Search This Blog

Showing posts with label |Afoola Oromoo|. Show all posts
Showing posts with label |Afoola Oromoo|. Show all posts

12/11/2024

Over-Pride

Over-Pride


It is said that there was once a strong relationship between the Frogs and the Birds. One day, Frog told them that she wished to fly in the sky with the birds. They assured her they would do what they could to help her.

"So, as you two hold this stick on either side, I'll bite the middle of it, and we'll continue flying," she said. As soon as they agreed, they took off. After a few minutes, Frog looked down and felt very happy.

Very surprised to see a frog in the sky, other birds came flying and asked, "How did this happen? Who came up with the idea?" They directed their question to the two birds.

Frog, unable to resist her pride, interrupted the two birds and said, "It was me!" The moment she spoke, she lost her grip and fell to the ground.

Moral: Over-Pride leads to failure!

Source: Tales from an old man's speech.



Image: AI generated




Anummaa

Anummaa/Of-tuulummaa (Over-Pride)


Bartokko allaattiiwwaniifi Raacha gidduutti hariiroo cimaan uumamee ture jedhu. Gaaf tokko Raachi Risaawwan waliin samii keessa balali'uuf akka hawwite isaanitti himte. Isaanis waan danda'aniin akka ishee gargaaran itti himan. "Egaa isin lamaan ulee qalloo kana garanaa garasiin qabdanii akka jirtanitti, animmoo gidduu isaa ciniineen balalii itti fufna" ittiin jette. Akkuma walii galanitti balalii eegalan. Daqiiqaa muraasa booddee Raachis samii keessa ol fagaatttee waan hunda gadi ilaaluun miira inni namaaf kennu ilaaltee hedduu gammadde. Raacha samii keessatti arguu isaaniitti baay'ee kan dinqisiifatan allaattiiwwan biroo balali'aa dhufanii  "Akkamitti waanti kun isiniif milkaa'e? Eenyutu yaada kana fide?" jedhanii gaafatan. Raachis allaattota lamaan ishee baatanii jiran dubbii saamtee "Anadha" jette. Battaluma sanattis lafatti kufte.


Safuu: Anummaan kufaatii fida.
Madda: Oduu durii haasawaa Jaarsaa irraa



Image: Generated by AI 



10/08/2024

9/17/2024

Oofan (Sirna boo'ichaa)

Oofan: Sirna boo'icha hawaasa Oromoo dhiichisaan dabaalame

Fardaan oofaa yoo himamu

Madda suuraa,

Olaanii Ita'aa

Oofaniin aadaa sirna booโ€™ichaa giddugala Oromiyaa hawaasa Oromoo naannawa Maccaa, Sadeen Liibanii fi naannawaa sanatti beekamudha.

Oofaniin nama hundaaf hin jedhamu; gaafa namni guddaan hawaasa biratti jaalatamu boqotee fi namni mararaan tasa lubbuun darbe jedhama.

Artist Hacaaluu Hundeessaa wallee maqaan albamasaa dhumaa, โ€˜Maal Maallisaaโ€™ ittiin moggaโ€™e keessatti โ€˜Oofanโ€™ jechuun walliseera.

Amma amma garuu sababa aadaafi amantiilee birattis fudhatama dhabaa dhufeef irraanfatamaa kan jiru fakkaata.

Oofan yoomii fi eenyuuf jedhama? Haala kamiin jedhama? Kaan biratti ilaalcha akkamii qaba? Ammammoo sadarkaa maaliirra jira?

Dhimma kanarratti BBCโ€™n ogeessa aadaa Gaashaaw Tasammaa waliin turtii taasiseera. Gaashaaw Godina Kibba-Lixa Shawaa, aanaa Ammayyaatti qorataa seenaa kan turan yoo taโ€™u, ofiinis sirna oofanii irratti hirmaachaa akka turan dubbatu.

Walaloo fi raawwii Oofanii

Oofaniin gaafa namni duโ€™e otoo hin taane gaafa reeffi awwaalamu waltajjii booโ€™ichaa itti firoonnii fi aanteen argaman irratti raawwata. Jechichis, reeffa qeโ€™ee isaatii baasanii oofaa yookaan deemsisaa gara bakka awwaalchaatti geessuu agarsiisa, jedhu Gaashaw.

Maanguddoofi gaโ€™eessaaf akkasumas mararaa yookaan marartuun tasa yoo boqotan oofaniin ni jedhamu. Oladeemaan fuudha gahe, kan kaadhimmate yoo akka tasaa duโ€™ees oofaniin ni jedhamaaf.

Oofaniin dhiiraafi dubartiif kan jedhamu yoo taโ€™u, daaโ€™immaniif garuu hin jedhamu. Oofaniin afoosha umurii buโ€™uureffachuudhaan hundaaโ€™een kan raawwatu yoo taโ€™u, dargaggeessis taโ€™ee gaโ€™eessi yeroo barbaachisaa taโ€™etti gurmii qabuun baโ€™ee oofanii bareecha.

โ€œAkka namni imimmaan buusu, akka namni garaansaa raafamu, akka namni [warreen sirna booโ€™ichaarratti argaman] gootummaa, dilbii, seenaa nama duโ€™ee sana yaadatu,โ€ taasisuudha jechuun kayyoo oofanii himu Obbo Gaashaw.

Oofaniin lafoofi fardeeniin yookaan gaangoodhaanis ni jedhama. Warri lafoo akka umurii isaaniitti namoota 30 hanga 50 taโ€™aniin toora galuudhaan.

Nama fuulduraa isaan dursu yookaan baasu hordofuun, jalaa qabaa oofan jedhu. Abbumti arge oofanii hin baasu yookaan hin dursu. Namni dursu sun sagalee kiilolee qabaachuu fi siโ€™ataa taโ€™uu isaatiin filatama.

Warri fardeen yookaan gaangoo yaabbachuun oofan jedhan ammoo, ni saggaarsisu malee hin gulufsiisan. Fardeen gaafas yaabbatamanis filatamaniitu; sangaa fardaati.

Koorichaan isaan gaafas fayyadaman kan guyyaa kaaniirraa addadha. Meeshaaleen akka bakara yookaan Eeboo, meeshaan waraanaas ni qabatamu.

โ€œAkka feetee miti, hiriira qaba. Tartiiba yookaan sarara dhiichisaa qaba. Akki itti miilli fuudhamu, akka itti gaโ€™eessi gateettiidhaan walqabuun miilli, miirri, waliin sochoโ€™uun oofanii jedhanโ€ miira namootaa qabuun xiyyeeffannoo guddaan akka hordofamu himu qorataan aadaaf seenaa Gaashaw.

โ€œYeroo tokko tokko namoota iddoo biraatii gara kana dhufan, akka shubbisa Shawaatti ilaalama [fudhatama],โ€ jechuun ibsu qorataan kun.

Yeroo nama du'ee seenaa himamu

Madda suuraa,

Olaanii Ita'aa

Walaloo Oofanii

Hacaaluun wallee isaa keessatti sagalee kottee fardeeniitiin eegaluun โ€˜Oofan, oofanโ€ฆโ€™ jechaa akka kanaan gadiin welliseera.

Haadha biyyaaโ€ฆ.. Oofan

Abbaa biyyaaโ€ฆ.. Oofan

Barataakooโ€ฆ.. Oofan

Barattuukooโ€ฆ.. Oofan

Qotee bulaaโ€ฆ.. Oofan

Sababa sirbichi walaloo โ€˜oofaniiโ€™ garaa nama raasuun eegaleef, walaloo boodarra dhufanirraa hubachuun ni dandaโ€™ama.

Kaleessaa hanga harโ€™aatti gaddaafi caba akka sabaatti turaniifi jiran kaasuun โ€˜Maal Maallisaa?โ€ jechuun gaafata wellichi.

Artistichi sababoota kanaa gaditti walaloo sirbichaa keessatti ibsamaniin gaddasaa โ€˜oofan, oofanโ€™ jechuun ibsateera!

Karaa baayโ€™ee qabnaa, yoom nu dhibee karaan irra deemnu,

Silaa inuma deemna, numa deemna, maaliif galman geenyu,

Karaat nu qabemoo garaadhalaa, maaf gahuu dadhabnee,

Duuneet gumaa dhabnee laammiikoo, ammahoo nuu gamee,

Roorroon nut hammaattee ammahoo nuu gamee,... jechuun weellisa.

Yeroo oofaan himamu

Madda suuraa,

Olaanii Itaa'aa

Haallii fi ariitiin ittiin oofaniin jedhamu kan maanguddoo fi gaโ€™eessaa gar gar taโ€™uu kan kaasu, Gaashaaw walaloo Oofanii kan hawaasa keessa jiru akkanaan himaniiru.

Namni baasu Gareedhaan kan jalaa qaban:

Oofaan Oofan Oofaan Oofan

Oofaa soolee Oofaan Oofan

Oofaan oolee Oofaan Oofan

Oofaan muka gamaa Oofaan Oofan

Oofaan yaa waleensuu Oofaan Oofan

Oofaan Abbaa Gadaa Oofaan Oofan

Oofaan mulโ€™ataakoo Oofaan Oofan

Oofaan ya bareedduu Oofaan Oofan

Abbaa reโ€™ee Oofaan Oofan

Reโ€™een dhaltee Oofaan Oofan

Yaa gaariikoo Oofaan Oofan

Abbaa qeโ€™ee Oofaan Oofan

Qeโ€™een baddee Oofaan Oofan

Gaafa lolaa Oofaan Oofan

Lolatโ€™ erguu Oofaan Oofan

Gaafa tolaa Oofaan Oofan

Tolatโ€™ erguu Oofaan Oofan

Oofanii abbumti arge hin jedhu, โ€œabbaan feโ€™e [arge] oofanii hin jedhu [hin baasu]. Sagalee bareedaadhaan jedhama.

Sagaleen kiiloleen barbaadamee, wellisaan sirba baasuu fi nama walaloo walaleessuu [dandaโ€™u], gichillaa namaa [kan] ennaa utaalu [miidhagu], meeshaan [ulee] inni mirmirsu kan irraa adeemu, dhankal dhankal jedhee utaalee, quphanee kaโ€™eeโ€ nama sirnicha bareechutu filatama jechuun ibsu Gaashaw.

Yeroo haala sochii qaama kana argan illee โ€˜eeboo natti darbachuufi, meeshaa natti dhukaasuufiโ€™ jedhanii namoonni dheessan illee akka jiran kaasu, namni kun.

Miira olaanaa keessa seenuudhaan qawwee [meeshaa waraanaa] dhukaasuufi alangaa qabataniin kan of rukutullee akka jiru himu. Namoonni hiriira oofaniitiin ala jiran, yeroo oofaniin jedhamu sagalee dhageessisuun booโ€™uu baatanis, โ€œimimmaan keessaa fintiraata; keessaa burqa.

Namni miiratti galee kufu, namni miiratti galee namni biraa qabu jiraโ€ jechuun humna walaloo, yeedaloo fi sochiin qaamaa oofanii qabu himu qorataan kun.

Himinsa

Oofan yeroo himamu

Madda suuraa,

Olaanii Itaa'aa

Oofaniin yeroo jedhamutti, namni akka himuuf dursee muudamu yookaan ayyaantomu jira. Namni kun fardaan yookaan ammoo lafoodhaan himuu dandaโ€™a.

Himinsi kutaalee Oromiyaa biroo keessattis kan beekamu yoo taโ€™u namoota hawaasa keessatti seenaa guddaa qaban, ajjeesaa faacha qabu, namni biyyaaf duule yookaan lole, oladeemaan yookaan mararaan yoo tasa duโ€™e himamaaf.

Hiriyoonni nama lubbuun darbee seenaa, gootummaa, oolmaa nama duโ€™ee kaasuun himuuf. Dirree keessa fooggalanii, garmaamanii miira xiiqii fi gootummaatiin himu.

Ennaa namni tokko himu kaan ammoo โ€˜dhugumaโ€™ jechaa waan jedhame mirkaneessaa jalaa qabu. Yeroo baayโ€™ee eeboo yookaan ulee shilootii mirmirsaa, bakka hayyamamutti meeshaa waraanaa illee dhukaasaa himama.

Ajjeesaa yoo taโ€™emmoo faachisaa agarsiifamaa ittiin himama. Gaafa namni sun awwaalamus awwaalcha saarra dhaabuuf.

Waltajjii oofanii irrattis namni himu, walaloo oofanii garaa nama raasu erga dhagaโ€™ee miiraan machaaโ€™eebooda battala utaalee himinsa eegala.

Abbaa mana qorqoorroo

Abbaa birriin boqqoolloo

Gaafa lolaa, Gaafa tolaa

Qoonqoon biyyee nyaattekaa

Qoonqoon biyyee dhugdekaa

Gooftaa cooma corroqaa/ giiftii daadhiin taliilaa [dubartiif]

Hudhaa waan daraaru hin beekne,

Duudaa waan dhalu hin beekne [mararaadhaaf]

Gindiin caccabekaa

Giddiitu qabekaa! Jechuun miira seenaa nama lubbuun darbee kaasee lubbuu itti hora.

Boo'icha 'akka dhiichisa Shawaatti ilaalamu'

โ€œWarra Dirree Incinnii, [hawaasa] Caboo, warra Tuulamaaโ€ biratti oofaniin gaangoo yookaan fardeen dheerinaan walgitaniin akka jedhamu kaasu qoratichi.

Waltajjii oofanii irratti, miโ€™a fardeenii gaafa cidhaa feโ€™ataniin otoo hin taane wantoota gadda ibsaniin miidhagfamu. Gaangeen, fardi yeroo saggaaru โ€œrukuttaa noottaa sana fakkaataโ€ jechuun ibsu qorataan seenaaf aadaa kun.

Naannoo Sadeen Liibanitti ammoo irra caalmaa lafoodhaan jedhama. Namoonni akka umrii isaaniitti hiriiranii gateettiidhaan walqabuun uleefi eeboo qabachuun wal hordofaa miilaan lafa dhiitaa sagalee garaa nama nyaatuun โ€˜oofaan oofan, oofaan oofanโ€ฆโ€™ jechuun laphee nama raasu.

Waltajjiin oofaniin irratti jedhamu qeโ€™eedhuma nama lubbuun darbeetti gaaddisa guddaa jalatti kan raawwatu yoo taโ€™u ogummaa, gootummaafi seenaan nama duโ€™ee irratti walaloo garaa nama raasuun nama boochisudha.

Otoo akka ammaa suurri guddifamee guyyaa booโ€™ichaa kaaโ€™amuu hin jalqabiin, meeshaaleen namni sun itti fayyadamaa ture kan akka uffannaa, waancaafaa, eeboo, namni duโ€™e mararaa yoo taโ€™e ammoo waan inni ittiin tolu, ittiin lolutu agarsiifama.

Sochiin qaamaa, walaloofi yeedaloo oofanii hooโ€™isu ammoo miira namaa gara dhiichisaatti geessa. Namoonni bakka biraatii dhufanii sirna awwaalchaa irratti hirmaatanis akkuma dhiichisa shawaatti akka ilaalanfaa muuxannoo isaanii yaadachiisu namni kun.

Amma maalirra jira?

Sirna booโ€™ichaa, oofanii qofa otoo hin taane aadaan Oromoo ganamaa kaan illee sababoota babalโ€™achuu magaalaafi amantaalee gurguddoo biyya keenyaa irraa kan kaโ€™e akka hafaa deemaa jiran himu qorataan kun.

โ€œNamni baadiyyaarraa buqqaโ€™ee gara magaalota gara garaatti galuun jireenyasaa geggeessa.

''Duudhaan magaalaa kan inni booโ€™icha, cidha, gootummaa ittiin ibsatu kan ofiisaa yookaan kan aadaa ganamaa akka garraamummaaf gowwummaatti fudhata [ilaala].

''Akka boodatti hafaa, garraamummaa yookaan gowwummaatti ilaala. Nutumti oofanii dhiichisaa turree, gara magaalaatti deemnee gaafa booโ€™icha dhaqnu, warra katamee yookaan magaallee kana fakkaannee boonya.

Abbaan fedhe, yoo hiriyaan keenya duโ€™e amma oofanii hin dhiichisnu. Walaloosaa beeka, duudhaansaa na keessa jira, jara [maatii nama duโ€™ee] ilaalee booโ€™a malee,[aadaa ganamaatiin gadda hin ibsatan].

Aadaa sana gadi lakkifnee gara maagalaatti deemne mitii? Namni maal naan jedhaan jira, ennaa tokko tokkommoo daguunis jira; Ijoollumti waggaa kudhaniin dura gara magaalotaa deeman, โ€˜edaa oofaniin in jiraa?โ€™ jedhuโ€ jechuun haala aadaan booโ€™ichaa oofanii irra jiru ibsu Gaashaaw.

Ammayummaafi jireenya magaalaa hordofuun akkuma jirutti taโ€™ee amantaanis oofaniin akka irraanfatamuu fi hafuuf dhiibbaa akka godhu himu namni kun.

Amantaaleen โ€œduutumti mataansaa, booโ€™uudhumti sun, yoo akkanatti [faradoo] feete, yoo akkanatti [oofanii] dhiichiste akka nama Rabbiin nama sana [nama duโ€™e] dheekkamuu, akka [inni] jeennata hin galleettiโ€ waan ilaalaniif oofaniin hafaa, irraanfatamaa akka jiru himu.

โ€œNamni duโ€™ee amantaasaa maalinii?โ€ jedhamee erga gaafatamee booda, โ€œamantaa kan aadaa, kan ittiin dhalate sana [Waaqeffannaa] hin jijjiirre yoo taโ€™eโ€ oofaniin akka dhiichifamuufis kaasu.

Amantaalee biroo biratti garuu, sirni booโ€™ichaafi awwaalchaa oofaniin otoo hin taane duudhaadhuma mana amantaatiin akka geggeeffamus himaniiru namni kun.

Madda: Oofan: Sirna boo'icha hawaasa Oromoo dhiichisaafi seenaa himuun dabaalame - BBC News Afaan Oromoo

9/13/2024

Abaarsa Suubboo

"Sa'a adii korma dhaltu

Sitoo tuufoo haammatee
Maalan siif godha garuu
Sitoo suubboo jaalatee ๐Ÿฅบ
Hubboon laga dhaabataa
Baaqelaa hinliqeessinii
Suubboon nyaata jaalata
Waaqni isaa hinsifeessini!"๐Ÿ™„
.
"Suubboo yaa monoffolii
Ibsaa looshaa boqorii
Jaarsa ijoolleef dhaadatu
Gobaan ittaa dhaabbatu
Jaarsa ijoolleef hokkolu
Gobaan isaa dhonqoruu"
jetti dubarri durii, gaafa intalli suubbootti heerumuuf kaatu.
Afoolli raajiidhuma!

Ref: https://www.facebook.com/share/p/vHKtDCSR4S8gHXLK/

9/07/2024

Makmaaksa #10

"Yaa rifeensa dhaddee, biilaa qaradhu;

Yaa hiyyeessa baddee, ifaan maladhu."

Waliin Dubbii Gurbaafi Intalaa

YAA SANBATA TASAN BADAA!"

(Waliin Dubbii Gurbaafi Intalaa ๐Ÿ‘‰ Bara durii)
...
Ishii:
"Yaa Sanbata Kusaayee
Silaa gatiin durbaa hinbushaayee
Anoo manattan ulfaayee!"๐Ÿฅบjetti. ๐Ÿ‘‰ Asitti ddubbistootaaf margan qaba!
...
Isa:
"Arbuun jinfuudhaa
Manatti hinaftu
Anuu sin fuudhaa!"๐Ÿ˜
..
Ishii:
"Arbuun ceekaadhaa
An sitti hineerumu
Atuu deegaadhaa!"๐Ÿ™„
...
Isa:
"Xaafii gamaa cagadannaa
Koottuu natti heerumi
Wajjin nagadannaa!"๐Ÿ™
...
Ishii:
Xaafii gamaa hincagadinii
Otuma na hinfuudhiin
Dur maaf hinnagadin?"
...
Isa:
"Nan gurgura sangaakoo isa mararaa
Siin bita bashannaqaa
Burree gurgureen siif bita maashinii
Daggala uffattee haabaatu maasinii...!
Ishii:
"Dhugumayyuu mee na fudhadhuu gali!"๐Ÿ˜
Isa:
"Sambata Gabaa Gaam'aa
Galeen abbabbaa gaaf'a!"๐Ÿ˜‰
...
Ishee:
"Sambata Gabaa Geemmoo
Maal jedhe abbaan keemmoo?"๐Ÿ™„
...
Isa:
"Muka ammaa hordanii fageessuu
Durba ammaa gorsan hindhageessu...!"๐Ÿ˜…
...
Ishii:
"Jaldeessi gaaranaa baaqelaa sukkuumaa
Abbaan namaa kadhatee...
Qaraxee nama fuusisa jennaan,
Keemmoo gadaakee sukkuumaa
Jaarsi maddiin suntuuraa?"๐Ÿ˜‹
...
Haaluma kanaan osoo haasa'anuu fudhatee galee waliin jiraachuu jalqabu. Baatii muraasa booda dubbiin biraa ka'a.
Ishii:
"Burree gurgurii naaf biti maashinii
Daggala uffattee haabaatu maasinii
Gurguri sangaakee isa mararaaa
Naaf biti bashannaqaa
Yoo ati didde isa qabuttan dhaqaa!"
...
Isa:
"Hingurguru sangaakoo isa mararaa
Siif hinbitu bashannaqaa
Burree gurguree siif hinbitu maashinii
Daggala uffattee maaf baati maasiinii
Walitti nam'iteeti iyyiti maatiinii
Yoo kanaan didde kuunnooti daandiini!" ๐Ÿ‘‰๐Ÿ‘‰๐Ÿ‘‰๐Ÿ‘‰

Madda: https://www.facebook.com/share/p/GUjY899KVe1RpF53/

Vocabulary (IT-Context)

Glossary [IT-Contex] 802.1 x protocol [ noun ] A network authentication protocol that opens ports for network access when an organization au...

popular posts