โ HARMEE โ
~
Coqorsikoo utuu hin margin
Ol jechuukoo utuu hin argin
Uumaan akka sin fudhanne banee hulaa
An ilmikee harka raaseen booโaa bula!
Kanumaafanโ
Jiruukooโsa dhagaa qocaa
Ciruudhaafan karaa boca.
Addakootiin gaara dhoosaa
Galmakoottan faana loosa!
Taโus garuuโ...
Boโoon namni lukaan ceโu naaf hurufa
Dooniin kaaniif dhagaa feโu na urgufa.
Orma cinaaf lafa ejjechuun waan salphaadha
Na arginaan irri dachii naaf talbaadha!
Akka kanaan yoo carraankoo na dheessitu
Shaxeen gaabbii yoo dirrakoo madeessituโ...
Sagaleekee sana baqa
Suuqa keessaan suuqa soqa!
Hangakeetti caba eeltee cabaa nyaachaa
โMaal rakkatte?โ naan jechuunkee na maraacha!
Kanaafidha kan faannikoo si baqattu
Malee โaayyoโ bar yaadnikoo sin dagattu!
Yaa deesseekooโ...!
Siif milkiinkee kadhatnikee waariif guyyaa
Fayyaa taโee nagaan bahee galuu kiyya!
Anaaf garuu hiikni guutuun milkaaโuudhaa
Hanga boosse bakka boontu si kaaโuudha!
Nan amanaโ...
Guyyaa keessaa jabaa tokko guyyaa guddaa
Cidha milkiif gaafan waamu qomoo hundaa
As gahuukoof akka taate lafee dugdaaโ...
Nan lallaba; nan mammaaka sitti marmee
Hangasittiโ... kadhannaakee cimsi โharmeeโ!
Madda: Aga Guda NL
