𝐍𝐁: 𝐓𝐡𝐢𝐬 𝐛𝐥𝐨𝐠 𝐟𝐞𝐚𝐭𝐮𝐫𝐞𝐬 𝐦𝐲 𝐜𝐫𝐞𝐚𝐭𝐢𝐨𝐧𝐬 𝐚𝐧𝐝 𝐜𝐮𝐫𝐚𝐭𝐞𝐝 𝐞𝐝𝐮𝐜𝐚𝐭𝐢𝐨𝐧𝐚𝐥 𝐜𝐨𝐧𝐭𝐞𝐧𝐭, 𝐩𝐫𝐨𝐩𝐞𝐫𝐥𝐲 𝐜𝐫𝐞𝐝𝐢𝐭𝐞𝐝. 𝐋𝐞𝐭'𝐬 𝐞𝐱𝐩𝐚𝐧𝐝 𝐨𝐮𝐫 𝐤𝐧𝐨𝐰𝐥𝐞𝐝𝐠𝐞 𝐚𝐧𝐝 𝐥𝐞𝐚𝐫𝐧𝐢𝐧𝐠 𝐜𝐚𝐩𝐚𝐜𝐢𝐭𝐲. 𝐄𝐧𝐣𝐨𝐲 𝐚𝐧𝐝 𝐊𝐞𝐞𝐩 𝐠𝐨𝐢𝐧𝐠 𝐟𝐨𝐫𝐰𝐚𝐫𝐝...🏃♂️ ©𝕎𝕠𝕝𝕦𝕞𝕒𝕟-𝕋𝕙𝕖-𝕋𝕣𝕒𝕧𝕖𝕝𝕖𝕣
Quba harka koo
Duratti tarkaanfadhu!
Yaaddee yaadaan hin cabiin
mudannoo kee kaleessaa
Guyyaan har'aa bor miti
waanta haaraa dhageessa
.
"Kan darbe hin darbatan"
Kan dhufuuf aggaammadhu
Galma yaada kee gahuuf
duratti tarkaanfadhu!
Saffisni_ifaa sekondii tokko keessatti naqa 25 ol dacheetti marsa.(mudhii lafaarra). Diyaameetirri lafaa naannoo mudhii lafaatti 12,756 KM qofa yemmuu ta’u ifni ammoo sekondii tokko keessatti gara 300,000 KM saffisuu danda’a. Bara_ifaa tokko jechuun ammoo fageenya ifni waggaa tokko keessatti haxiixuu danda’u jechuu dha. Ifni fageenya inni waggaa tokko keessatti imaluu danda’u, dimshaashumatti yemmuu shallagamu: gara KM 9,461,000,000,000(Tiriiliyoona_Sagalii_fi_Biiliyoona_dhibba_afurii_fi_Jaatamii_tokkoo)ti.
Amma ituu kaatanii xiyyaara hawaa kana keessa saffisa_sekondii_tokkotti_bara_ifaa_tokko eegee dhaabee furguggifamuu danda’u qabaattanii jennaan konkontanii yaabbattanii, silaa:
> Sekondii 1 keessatti Sirna_Soolaarii (Biiftuu fi pilaanetotashee salgan) keessaa baatanii lafasaa wal’aaltu. Sekondii 20 keessatti urjii guddichaa fi baay’ee calaqqisaa Siiriyees jedhamu kan ifni isaa Biiftuu keenyatti dachaa 25 ol naanna’uufi guddinaanis gara dhibbeentaa 170% olii kan Biiftuu keenya caalu ceequu keessan irratti ilaaltu.
>Daqiiqaa 30 ituu hin guutin, urjii Kaansar_99e jedhamee beekamu, kan guddinnisaa dachee keenyatti naqa lama ta’uu fi Daaymandii irraa hojjetametu fuula keessan duraa achii as isinitti calaqqisa. Achi geenyaan Biiliyeenerummaan xaba ta’eetu hiyyoomuun ulfaataa ta’a.😊
Dadhabdanimoo imala itti fufnu….?
Kaansar_99e- Urjii_Daayimandii irraa akkuma nama dhiyoo ga’ee deebi’uu Doonii_Hawaa keessan sekondii tokkotti bara ifaa tokko deemu yoo yaabbattanii kaatan, daqiiqaa 10 keessatti, urjii Keepler_22b jedhamuu fi jireenyaaf mijataa ta’uu mala kan saayintistoonni jedhanii tilmaamanitti baatu.
Dubbii keenyarratti, teknooloojii amma qabnuun, urjii kana bira imallee ga’uuf waggaa kitila 10 ol nutti fudhata. Lafarraa ennaa sa’a 6 ituu addaan hin kutin xiyyaara keessan saffisa isaarraa kan ka’e, sagaleesaa malee bifti isaa hin argamneen ximbriirtan, Gaalaaksii keenya Milkii_Weey jedhamee waamamu keessaa baatu. Gaafa gara-galtanii ilaaltanis, “Bakka dhalootakoo, qe’eekoo, manakoo, mandarakoo lafa hiddi handhuuraakoo itti awwaalame!” jettanii mararteen Milki_Weyii ilaaluun garaan isin raafama. Hammuma ol-fagaachaa deemtan, qe’een keessan isinitti xiqqaataa deema waan ta’eef.😊
Imala wal irraa hin cinne ji’a tokkoo booda, Gaalaaksii ollaa keenyaa Andiroo_meedaa_gaalaaksii kan jedhamutti baatu. Waa’een nama “Karaa dheeraa deemtee dhuftee, gorii taa’ii buna dhugi!” isiniin jedhu argachuu, moojiree! Gaalaaksiin kun gaalaaksii keenya caalaa baay’ee guddaafi urjiiwwan triiliyoonaan lakka’aman qaba. Yoo ijibbaattaniima imala itti fuftan, guyyaa 120 gidduutti, gaalaksiiwwan shantama qaariyuun sirna-gaalaaksii, gaalaaksiin keenyi Milki_Weyiinii fi Andiroo_meedaan keessatti argaman keessaa calaatu.
Waggaa 3 ituu hin dhaabbatin ennaama balalii itti fuftan, gaalaksonni shantamaa ol isin bira kuttanii dhuftan, tuutowwan gaalaaksii Virgoo_Suupper_Kilaaster jedhamu keessaa tuqaa xinnoo tokko qofa ta’uusaa argitanii ajaa’ibsiifannaa fi rifannaan harka keessan afaan keessan irra kaawwattu.
Itti_fufa...
