𝐍𝐁: 𝐓𝐡𝐢𝐬 𝐛𝐥𝐨𝐠 𝐟𝐞𝐚𝐭𝐮𝐫𝐞𝐬 𝐦𝐲 𝐜𝐫𝐞𝐚𝐭𝐢𝐨𝐧𝐬 𝐚𝐧𝐝 𝐜𝐮𝐫𝐚𝐭𝐞𝐝 𝐞𝐝𝐮𝐜𝐚𝐭𝐢𝐨𝐧𝐚𝐥 𝐜𝐨𝐧𝐭𝐞𝐧𝐭, 𝐩𝐫𝐨𝐩𝐞𝐫𝐥𝐲 𝐜𝐫𝐞𝐝𝐢𝐭𝐞𝐝. 𝐋𝐞𝐭'𝐬 𝐞𝐱𝐩𝐚𝐧𝐝 𝐨𝐮𝐫 𝐤𝐧𝐨𝐰𝐥𝐞𝐝𝐠𝐞 𝐚𝐧𝐝 𝐥𝐞𝐚𝐫𝐧𝐢𝐧𝐠 𝐜𝐚𝐩𝐚𝐜𝐢𝐭𝐲. 𝐄𝐧𝐣𝐨𝐲 𝐚𝐧𝐝 𝐊𝐞𝐞𝐩 𝐠𝐨𝐢𝐧𝐠 𝐟𝐨𝐫𝐰𝐚𝐫𝐝...🏃‍♂️ ©𝕎𝕠𝕝𝕦𝕞𝕒𝕟-𝕋𝕙𝕖-𝕋𝕣𝕒𝕧𝕖𝕝𝕖𝕣

3/28/2024

Makmaaksa #2

Suuta ejjatan suuta qoreen nama woraanti.
Aadaa fi aduu ni dhokatan malee hin badani.
Aak jedhan waa tufan mammaakan waa himan.
Aaki Jedhan waa tufan mammaakan waa himan.
Aannan banaa dhiisanii hattuu namaan jedhan jette adurreen
Aartu qotadhu” jedhe namichi saree biddeen dhoowwatee
Aartu qotadhu” jedhe namichi saree biddeen dhoowwatee.
Abbaa dhokseetu akaakayyuu himata
Abbaa gabaabaa ijoolleen hiriyyaa seeti.
Abbaan cabsaa ofitti hin xiqqeessu
Abbaan daadhii dhugeef ilma afaan hin urgaayu
Abbaan daadhii dhugeef ilma afaan hin urgaayu.
Abbaan iyyatu malee ollaan hin birmatu.
Abbaan loonii dhoqqee hin xireeffatu.
Abbaan mana jiraa gurri ala jira.
Abbaan of hin argu; dhakaan of hin darbu
Abbaanuu hin gallee, fardaaf booyyanni.
Abbatu of mara jedhe boofni.
Abbeen nyaataa buleef qabateen jala hinbulu.
Abjuu sodaatanif hirriiba hin dhiisani.
Abjuun bara beelaa buddeen, buddeen jetti.
Ablee qara lamaa beekaatu itti fayyadama
Abshaalli ofii nyaatee, gowwaa afaan diba
Adaamiin olla agamsaa, imimmaan hin qoorfattu
Adala gowwoomsuun suuta suutan
Adda baane jedhe namtichi furrii fudhatee.
Adda nyaataniif hin gabbatani.
Addaatef ilkaan alanfachuu hin dhiisu
Adeemsa abbaatu oftolchaa fuula waaqatu nama tolcha jedhe jaldeessi.
Adeemsa abbaatu oftolchaa, fuula Waaqatu nama tolcha” jedhe Jaldeessi.
Adeemsa karaa fagoo calqabni tarkaanfii tokko.
Adurreen garaa muratte, leencaan qixa nama sodaachifti
Adurreen kan bakka loon oolan hin beekne galgala aannan dhugdi.
Adurreen keessi bineensa
Adurreen riphattee hantuuta argachuu hin ooltu.
Afaan gaariin afaa gaarii caala.
Afaan gaarin afaa gaari caala
Afaan Hamii Bare Utubaatti hasaasa
Afaan lafa taa’u lafee alalcha!
Afaan qabachuun hunda to’achu
Afaaniin sheekuseen lukaan gara mukaa!
Agabuu si bulchuuf ganamaan si beelessa.
Ajjeechaarra sukkuummaan sodaadha” jette tafkin.
Ajjeechaarra sukkuummaan sodaadha” jette tafkin.
Akka abaluun sirbaan morma nama jallisa jedhan.
Akka beekan bulan
Akka cabanitti hin hokkolan.
Akka durii fi harka xuriitti hin hafan
Akka ganamaa seetee narra hin ejjetiin” jette sokoruun.
Akka garaakoo jette sareen nama gararraan bishaan dhugdii jedhan.
Akka haroon hin guunne akka raachi hin duune jedhan.
Akka ija tiyyaa maaltu naaf kajeela jette sareen
Akka jedhan dhageetee shaniin gufufaan deete.
Akka kufanii hin cabani.
Akka ormaattan sirbaan morma nama jallissa.
Akka qottiyyoon gooba jettee raachi dhootee duute
Akkuma dur seeteet jaartiin qullaa lafaa kaate
Alaa manatti galan.
Alagaa fi dukkanatti ija hin baasan
Alagaa ilkaan malee garaa isaa hinargani.
Alagaan gaafa kolfaa firri gaafa golfaa.
Ameessi okolee dide okkotee hin didu
Anatu Caalaan ciinciraa haaduu afaan buute
Ani badeen waan bade hin galchitu
Ani hin hanbifannee, ati hin qalbifanne” jedhe namichi.
Ani hoo duruu gubattuudha jette beddeen mana keessa gubattee
Arbi lama yoo wallole kan miidhamu sambaleeta.
Argaa toleef goromsi hin ottoomu.
Arge jettee hin foksin, dhagahe jettee hin odeessiin
Ariifataan hori gata
Ari’ii biyyaa baasii qabii itti hasaasi.
Arrabakoo yaa laxxisaa, situ faallee na hanqisa.
Arrumaa salaattee arrumaa maraatte.
Ayyaanni haftuu haadha warraa ajjeesa.
Baddu baddi malee saree ija hin dhiqan.
Badiin saree gaafa duute.
Bagan kufe, bagaan ka’e, kan naqabuu fi kan na dhaabu addaan baafadhe jedhe namtichi
Bagan si arge” jennaan “bagan si hin dhokatiin” jedhe hattuun abbaa manaatiin
Bakakkaan akkanaanu natti gamu muka jala na geessite
Bakka arfaasaa dhaabbatan, birraa dhaabbatu.
Bakka hin rafnetti hin muugan
Bakka itti citanitti citaa haammatan. ” jedhe manguddoon oromoo
Bakka loon hin oolle dhoqqee hin argani.
Bakka oolan irraa bakka bulantu caala.
Bakka rabbi itti nama hidhe, funyoo malee ijaajju
Bakka sareen jirutti, namatu dhuufee hin gaafatan
Bakkuma dhaqqabani kan hoqqatan
Bara barri argate buqqeetu dhagaa cabsa.
Bara bofti nama nyaate lootuun nama kajeelti
Bara gaddaa mataa lafa godhu
Bara humna qaban sagaliin lolu, bara humna hin qabne sagalee tolu
Bara quufaa lukkuutu dhuufa
Baraan barruu horan
Baran barruu koran.
Barcuma ulfinaa abbaatu of jala baata
Bareedde jedhanii obboletti hin fuudhani
Bareedina gurraachaafi dubbii gamnaa nama bira gaheetu hubata.
Bari fallana, takka namaa fodogaa, takka nama fondoga.
Barri ni darba, taajjabni ni tura.
Beekte beekte jennaan niitiin qeesii kitaaba miiccite
Biddeen nama quubsu eelee irratti beekuu jedhan.
Billaachi ofiifuu hin qabduu dhagaatti uwwifiti
Bishaan darbe hin waraaban.
Bishaan lagaa dhume jennaan boosettiin ilil jette
Bishaan malaan waaddan
Bishaan yoo nama nyaatu nama kofalchiseeti.
Bitaan yaabanis mirgaan yaabanis waligeenyi kooradhuma.
Bittaa wallaalanii gabaa komatu.
Biyyaa bahaan malee biyya hin yaadan.
Bobbaa yoo tolan gala tolan
Boolli guyyaa argan halkan nama hin nyaatu.
Boora’u malee hin taliilu
Bor hin bekneen qoda-bukoonshee lama.
Bor ni agarta jennaan edana akkamitti bulee jedhe ballaan.
Boriif boorri jira.
Boru hinbeeknen qodaan bukoo ishee lama.
Buddenni nama quubsu eeleerratti beekama.
Caama ganamaa kan beekuutu ho’ifata.
Cabaan baqaqatti erkate.
Citaa malee mana hin kabatan.
Cubbuu sodaachuun booruuf.
Cubbuun bishaanii harka buleen nama nyaachisa
Cubbuun bishaanii harka buleen nama nyaachisa.
Cuunfaa baay’isuun dubbii gogsuudha.
Daakaniif hin marqan, dharra’aniif hin argatan.
Daangaan jaalalaa afaanii baasanii walii laachuudha.
Dallaan abbaa kudhanii yeroon hin cufamtu.
Deeganiif hin du’an.
Deegarra ulfaatti jedhee namtichi ashaboo mataatti baate.
Deemaa oltu barattu malee barumsaa hin argattu.
Dhabaaf malee cirriin cooma kajeelti.
Dhabaaf malee fooniif nu uume” jette sareen
Dhabaaf malee fooniif nu uume” jette sareen.
Dhabaaf malee sombi kan sareeti
Dhabaan hin galani” jette haati hattuu
Dhagaheef heerumtee, argeef deesse
Dhalee lakkaawu dhadhabee jettee kurupheen tokko dhaltee.
Dhamaatuun dhama raaftee weessootu na dide jetti
Dhamaatuun dhama raaftee “weessootu na dide” jetti
Dheebotan malee, mi’aa bishaani hin beekan
Dheeratteef leemmanni gudelchaa hin taatuu.
Dhiiraa jirtu dhiirummaa hin dhuunfatan
Dhugaan hin qallatti malee hin cittu
Dhugaan niqallatti malee hincittu.
Dhukkubni na ajjeesuu hin jirre hamaaf tolaa addaan naaf baase.
Dololloon nama hin fudhatuu laga guddaa nama geessi.
Dubartiin fira hin qabne mana masaannutti baqatti.
Dubbii barbaada sareen gabaa baati.
Dubbiin baay’atetti harretti hin fe’ani
Dubbiin mammaaksa hin qabnee mannaa ittoo sogidda hin qabne wayya.
Dubbiin rabbi suuta
Dullachi waan garaa qabu alba’a
Dura na dhungatteef dhirsa naa hin taatu jette intalli
Durattuu durii maalayyaa waaqoo lama tahe.
Dureessi kennef deegaa hudduun dhukkubdi
Duubaan dulluma jettee jaartiin tokko ragadde.
Duulli amma oduu hin gahu.
Duuni biyya wajjinii, hirriiba jette jaartiin.
Duutiifi dullumni hin hafan.
Du’arraan baqadhatti mana du’aa seente
Eboo darbatanii jinfuu hinqabatan.
Eeboo darbatani jinfuu hin qabatani.
Eega kooraan dammaqe fardummaa maaltu jira, eega dubbii dadhabee gamnummaa maaltu jiraa.
Eelan eelee dhaabbatan
Ejersa halaalaarra qobboo qe’ee wayya
Farda hidhatan machiin tolti!
Fardaa fi harree okaa itti haamu, ana qacceen dhoqqeetti gadi dhaanu” jedhe qottiyyoon
Fardi badaan farda balleessa.
Fardi biraan nama gaha malee hin waraanu.
Fiigee fiigee kormi sangaa ta’a.
Fincaan lukkuu kan arge haa himuu.
Fira dura bahan malee, fafa duraa hin bahan
Firaan ni boonu malee firatti hin boonan.
Firri dhufe jadhanii dhabaa hin dhalanii
Firri wallola malee gaafa rakkoo wal irratti hin ilaalu.
Fooliin gaariin kannisa harkisa.
Foon lafa jiru allaattii lafa irratti wallolti.
Foon lafa jiru allaattiin muka irraa wal lolti
Foon naaf kenneet, albee na dhorkate
Foontu fooniif rifata.
Fuula ilaali na elmadhu jette harkuun
Fuulli fi nyaanni dhoksaa hinqabu.
Gaafa maal nyaanna jedhan damma nyaatan
Gabaabbatu iyyuu abbuma warraatu diinqa taa’a.
Gaddeemtuun namaa harree ribbii hormaata fuuti.
Gadheen niitii, dhiirsa hamatti.
Gadheen qalbii hinqabdu kan darbe hinyaadatu.
Galaanni bakka bultii hin qabne, gudeelcha guuree deema.
Galgala maal nyaanne jennaan rafnee bulle jedhe jedhan.
Galle jette lafoon farda jala galtee.
Gara jabeessa heexoon hin albaasu
Garaa laafinatti, alaltuun bishaaniin nyaatamte.
Garaa murtii murate, bishaan raafuutu gabbisa
Garaa nagaa qabu sukkuumuun, dhukkuba itti fiduudha
Garaa ofiituu wollaalaaf heexoo itti dhugani
Garaacha dheedhii garaatti beeki.
Garaan badaan waan nyaatan nama himsiisa jedhe abbaan kiyya
Garaan murtii hin qabne, diina abbaati
Garbittii lubbuuf fiigdu ollaan qophee dha jedha.
Garbittiin gargaarsa argatte majii dhoksiti jedhan!
Garbittiin gargaarsa argatte majii dhoksittii.
Godaa mannaa godoo wayya” jette haftuun.
Gogaa naaf hafaa jedhe waraabessi biyya isa hinbeekne dhaqee
Gonfoon calqaba baddeet dhoofnan kutaa hanqatte.
Goondaan wal qabatteet laga ceeti
Gorsa diddu du’a hin diddu.
Gowwaa al tokko arrabsi, innuu lammata of arrabsa.
Gowwaa sobii qaroo qeensaan qabi!
Gowwaan bakka rafe hunda mana se’a
Gowwaan gingilchaatti bishaan waraaba
Gowwaan isa darbe malee isa dhufu hin yaadu
Gubattee hin agarree, abiddatti gamti
Gubattee hin beektuu ibiddatti gamti
Guddatee guddatus gurri mataa hin dabartu.
Guddateef dubbii harretti hin fe’an
Gurri dabarsaan ollaa walitti naqa.
Haadha hinqabdu hakkoof boossi.
Haadha laalii intala fuudhi.
Haadhaa fi adurree hin dhaanan
Haalleluyyaa yaa rabbi sooressa ajjeesi, nyaannee dhugnaa” jedhee abbaaten taskaara yaade jedhu.
Haatee durbaa jennaan dur kaa jedhe mucaan.
Haati hattuun intala hin amantu.
Haati mimmixaa kanuma kootu guba jetti.
Haatii fi gabaan waan namaa kennitu hin beekan.
Hadaamii ollaa hagamsaa imimmaan irraa hinqooru.
Hafaasaarra afaansaa
Hagam ol fagaattus allaattii reeffi lafa
Hamii fi eegeen abbaa duubaa oolti.
Hamma fedhe guddatan, gosa ofii hindarban
Hamma namaa hin Geessuu cabsa namaa hin teessu
Hammaatanis hammaaranis dhuma hin ooltu
Hamman siif ragaa bahe beektaa jennaan, hamman si tajjabee beektaa itti jedhe jedhu.
Hantuunni farroofte qara eeboo arraabdi.
Hantuunni haadha jalatti gumbii uraa barti
Harka abbaa biraan ibidda qabun nama hin dhibu
Harka abbaa tokkotin ibidda qabachuun nama hindhibu.
Harkaan dhaabanii barbareen nama gubdi.
Harkaan dhaabatan lukaan dhiitan!
Harkaan kennanii, miilaan barbaada deemu.
Harki hanna bare dooluuttuu socho’a.
Harki tokko ni dhiqa malee,hin qulqulleessu.
Harki waaqni namaan qabe xurii hin qabu
Harmaatu lama malee aannan tokkichuma.
Harree fi gadadoon nama irraa hin gortu
Harree ganama bade galgala kurkuriin hin argu
Harree hin qabdu farda namaa tuffatti.
Harree hin qabnu, waraabessaanis wal hin dhabnu
Harreen fe’aa barbaaddu ufiin ooydaa dhufti.
Harreen hidhaa kutte jennaan ofittuu gabaabsite jedhe.
Harreen ofiifuu hingaltuu loon galchitiiree?
Harreen yeroo alaaktu malee yeroo dhuudhuuftu hinbeektu!
Heexoo galataaf oso hin taane qorichaaf dhugan.
Hin barihu Seetee Gorduubatti hadde
Hin bari’u seetee manatti hagde
Hin taane kiristinnaan Badhaasaa itti deebi’aa kaasaa
Hin ta’a jennee saganee woma ta’uu dhabne
Hindaaqqoon haate haatee halbee ittin qalamtu baasti
Hiriyaa garaa firaa gadheetuu garaa hiraa.
Hiriyaa malee dhaqxee gaggessaa male galte.
Hiriyyaan garaa walii hin beekne guyyaa hunda kakuudha.
Hirriibni baay’een duumessa hiyyummaati
Hirriibni hiryaa du’aati
Hiyyeessa boo’icha hingorsani hinnuu jalleesee naqa.
Hiyyeessa irraa liqeeffachuu mannaa sooressa kadhachuu wayya.
Hiyyeessi har’aa quufeen bulaatti duutee bulti.
Hojiin waaqayyoo fi kolfi saree hin beekamu
Holqaa seenani dukkana hin sodaatan.
Hoolaan abbaa gaarii qabu, dubboo ala bulcha
Hora bu’anii dhoqqeee hin lagatan
Horiin deegaa qilee irra dheeda
Hriyaan garaa walii hin beekne malkaa ceetu maratti walkaksiifti
Hudduu abbaan dagate tusseen sagal ciniinti.
Humna qarqa baasuufi soora ganna baasu abbaatu beeka
Humnaan nyaataniif,humna hin ta’u.
Hunda dubbatan garaan duwwaa hafa
Ibidda rafe huubni achuu kajeela.
Ibiddi garaa foon hin waadu.
Ifaan sooratan dukkana daakkatu.
Iilkaan mutaan seene budaan seene.
Ija jirtu qorsa buusani.
Ija laaftuun dubaraa obbolessa irraa ulfoofti
Ija-jabeessarraa sirbi hin fokkisu.
Ijaafii saree namarraa hin deebisan
Ijibbaata beelaa eelee sagal dhaabu.
Ijji badduus bakki ijaa hin baddu
Ijji dhugaan boosse, imimmaan hin dhabdu
Ijji gamnaa dura boossi.
Ijjii fi ijoolleen tika baddi
Ijoolleen gajee torbaa anatuu keessaa korma jedhee geerare namichii jedhama.
Ijoolleen nyaataaf waaman ergaa seetee diddi.
Ilmii fi biqilli guyyaa malee hin dhalatu.
Ilmoo bineensaa foontu gara bosonaa heda.
Ilmoon huntuutaa gumbii uraa haadha jalatti barti
Irra turuun farda uruudha.
Irreen hin moyan, alagaan hin boonan.
Itti himne yoo dhageesee, itti kennine yoo olkeesee
Itti qabataaf cidhi ollaa jira.
Iyyan malee hin dhalchanii jedhe hoolan korpheessa re’eetin.
Iyyan malee hin dhalchanii? ” jedhe waraabessi hari’ee dadhabee.
Iyyaniif dhalcha hin ta’u jedhe korbeessi hoolaa korbeessa re’eetiin.
Iyyitee hin beektuu iyyinaan “Badaa, badaa” jette
Jaalala ishee hin beektuu dhungannaan boossi
Jaarsi du’aa adeemu si hin abaariin, bishaan gu’a gahe si hin nyaatiin
Jaarsi du’uu ka’e si hin abaarin daa’imni guddatu si hin jibbin
Jaartii soba raftu, qaqawweessi hin dammaqsu.
Jaartiin bara buttaa duudde hoo luboo jechaa hafti
Jabbiin hootu hin mar’attu
Jarjaraan re’ee hin horu.
Jarjaranif Abbaa dura hin dhalatan.
Jibichi essatti eeganii jabbii kessa oola
Jiruu fi soddaa hin tuffatani.
Jooraa ooltus sareen waan hin jirre hin fuutu.
Ka bira dhahan hin beekne isaa dhahan hin beeku.
Ka qotiyyoon iyyuu male qacceen iyyiti.
Kabaja balbalaaf hindaaqqoon gadi jette
Kadhatanii galanii weeddisaa hindaakan.
Kan abdatan irra kan argatantu caala
Kan abdatanii mana ishee dhaqan akaayii nama afeerti
Kan akka walii loon walitti yaafatti.
Kan arba ajjeese furrii hin baafatuu?
Kan barri namatti fide,hiriyaan namatti qoosti.
Kan bonni ajjeese,ganni maqaa fuudha.
Kan citaa hinqabneef kan citu baasti.
Kan darbe yaadatanii isa gara fuula dura itti yaaddu
Kan dhaabbattee si hin agarre, teessee si hin argani.
Kan dhiqantu nama dhiqa jatte wacitiin
Kan dulloome jaarsa, kan du’u dargaggeessa.
Kan gabaan dhaga’e gowwaan galee niitii dhokse.
Kan garaa malee kan maqaa yoom na dhibbe jedhe waraabessi.
Kan garaan yaade miilii ganamfata.
Kan haadhatti barte amaatiitti
Kan harree hin qabne gaangee tuffata.
Kan humna qabu reebee(dhaanetu) booyicha nama dhowwa.
Kan ilkaan hin qabne akaawwii hawwatti
Kan ilkaan ofii dhalchu, kormi hin dhalchu.
Kan kunootii hin argine kuunnotii hin argu.
Kan lafatti wal hintaane muka waliin hinkoru.
Kan leenci naasise hindaaqoo baqata
Kan mana qabu mala hin dhabu.
Kan mootu dhaani jennaan dhirsi galee niitii dhaane.
Kan nyaatee fi kan kaate waa jalaa baha.
Kan nyaateefi kan kaate waa jalaa baha
Kan of jaju hin dogoggoru.
Kan offii buletu nama bulcha
Kan qaban qaba hin guunnne gadhiisan bakkee guutti
Kan qalbii fi jaalalli ajjeese hin fayyu.
Kan qunnaan galata hin ta’iin daa’ullaan galata hin ta’u.
Kan sangaan iyyuu male qacceen iyyiti
Kan si tumetu na qoree.
Kan sireen nama hin dadhabiin tafkiin nama dadhabdi .
Kan tokko qabdu hirriiba hin qubdu
Kan waraane ni dagata; kan waraaname ni yaadata.
Kana ceenaan lagin hin jiru jette haatikoo.
Karaafi dubbii odoo arganuu irraa goran.
Karaan dheeraan lubbuu nama dheeressa!
Karaan sobaan dabran galatti nama dhiba
Karaan sobaan darban, gala nama dhiba
Karkin ofii madaa’ullee, muranii hin darban
Katuffatantu ardaa dhaala.
Keessa keessa adurreen bineensa.
Keessa namaa hin beektuu keessa qabattee namaa kenniti
Keessumaa qamalee raafuu keessati argu.
Keessummaan keessa namaa hin beekne gaaffii dheeressiti.
Kijibni nama oolcha malee, nama hin bulchu
Kokkolfaa nama nyaatti gonfaan.
Kopheen muka yaabdee seexanatu na kuffise jettaa” jette seexanni jedhan.
Kormi biyya ofiitti bookkisu biyya ormaatti ni mar’ata.
Lafa itti hin deebine maqaaf hin badadan
Lafa rukutanii maggaanyaa ofiin qixxeessu jedhan.
Lagaatu walitti yaa’a malee garaan walittii hin yaa’u.
Lama na hin suufan jette jaartiin qallubbii hattee.
Leemman bareeddeef marqaan hin mi’aawu.
Leenca humnaan roorrisu, qamaleen malaan ajjeefte.
Lubbuun abbaan gate lama hin bultu.
Lukkuun biyya hin qabdu, bakka bultu hin dhabdu.
Lukuun abbaanis qabu, bineensis qabu iyya hin dhiistu
Maal baasuuf dhama raasu.
Maali fardi ni maraatee?
Maanguddoo fi eeboo dura hin dhaabbatan.
Madaan qubaa abbaa guba.
Malaaf malli jira mucaaf harmi jira.
Malannee bolla lama qotanne jette hantuunni
Mammaaksa Oromoo
Mana aanu malee mana aaru bira hin dabran.
Mana balbala malee hin seenan, utubaa bakka malee hin dhaaban
Mana eegaan bara eega jette sareen jedhan.
Mana oormaa bareedaarra, godoo ofii wayya
Mana waraaabessaatti foon liqii hin dhaqan
Manni ija daha malee, gurra hindahu.
Manni of–jajjuu karaa dura.
Manni waaqni ijaare hin jigu
Maqaa hannaa, abbaatu ofirraa eega
Maqaa ni bitan malee, hin gurguran
Maqaan baatu fi karaan baatee hin deebitu.
Maqaan baduu mannaa, mataa baduu wayya” jette gondaan ciniintee haftee.
Maqaan erbaniif haarawa hin taatu
Maraatanii biyya hin bulchaan, mari’atanii malee
Maraattuu fi sooressi akka argetti haasawa.
Maraattuufi sooressi akka argetti haasawa.
Maraattuun keessi fayyaadha.
Maraatuu keessi gamna.
Marartoon du’a hin oolchu.
Mari’ataan gowwaa hin qabu
Midhaan dura facaasan sinbirri nyaattet nama dura dubbate namni komata.
Midhaan warra gowwaa bonaa ganna nyaatu.
Midhaan warra raatuu bona bona nyaatu.
Miila lama qabaataniif muka lama hin koran.
Miximixaa harkaan dhaabanii gubaa himatu.
Mi’a wal fakkaatu walbiratti fannisu.
Moluu tiyya boruufuu si’abdadhe” jedhe jaarsi aduun mataa dhoofte.
Moo yaa afaan” jedhe funyaan.
Morki baduu mannaa mormi cituu woyya
Mucaan du’aaf dhalate wareegaan hin guddatu
Mucaan ” nyaanyaa” jedhe osoo hin nyaatiin hin hafu.
Muka beekan qoricha hin se’ an.
Muka biyya jiruun mana ijaaran.
Muka jalaa ol Koran malee, gubbaa gadi hin koran
Muka jigetti qottootu baay’ata.
Muka koruun nama hin dhibu, bu’utu nama dhiba.
Na argaa na argaan na dhoksaa fida.
Naatu beekaan beekkumsa hin taatu.
Nagaroon qoree baala bakkanniisaa, harsaamessatti saadiru.
Nama fardaan barbaadan lafoo argatu
Nama guddisuun of guddisuudha; nama xiqqeessuun of xiqqeessuudha
Nama horii hin beekneef, lukkuun luka lamaa horiidha
Nama jechi hin madessine waraanniyyuu hin madessu
Namaan garaan ga’atti garaan lafa nama ga’a
Namatti himu malee, namatti hin hidhan
Namichi Guyyaa Bofa arge halkan Gaaddidduu isaa dheesse
Namin lafarratti wal shaku muka waliin hin koru!
Namni akka fardaa nyaatu gaafa akka namaa nyaatu du’a
Namni akkaataa fardaa beeku ulee fardaa hin bobessu
Namni bakka ciisu argate bakka itti diriirfatu barbaada
Namni dhadhaa afaan kaa’an dhagaa afaan nama kaa’a.
Namni dhama’iif uumame abjuun dhagaa guura
Namni dhama’iif uumame habjuun dhagaa guura.
Namni dhukkubsataa manaa qabu du’a gahii namaa hin oolu
Namni farda koorse galgala kooraa baata!
Namni gaafa hiyyolee qurri isaa duude osoo hiyyolee jeduu hafa.
Namni ija takkaa biyyeen hin taphatu
Namni ilkaan miidhagu, hidhii walitti hin qabatu
Namni Jireenya isaati fakkaata
Namni kadhachuu hin dhiisu, rabbi waan murtee hin dihiisu
Namni mana tokko ijaaru citaa wal hinsaamu
Namni mataa isaatii hin tolle, namaaf hin tolu
Namni namaaf qoricha.
Namni namatti jennaan, erbeen saawwanitti jette.
Namni namumaa, ija nyaadhu” jette allaattiin
Namni yaraan imaanaa gatee lafti yaraan sanyii nyaattee.
Ni ta’a jennaan harree qallee hin ta’u jennaan harree gannee isumaa fidaa jennaan dhaqnee dhabne.
Niitiin afaan kaa’a barte, kabaluuf jennaan afaan bante.
Niturra malee niurra jette boonbiin.
Numaaf haati hin bane” jedhe gowwaan haadha ajjeese
Nuugiin tumanii nyaatan, humna baaterra hin jirtu.
Nyaadhee sifixuu dadhabus, haadhee siballeessuu dadhabbaa” jette lukkuun
Nyaataa fi lola abbaatu tolfata
Obbolessi kan walin dhalatan qofa miti
Obsaan aannan goromsaa dhuga
Odoo beeknuu hubaa wajjin nyaanna jette sareen jedhan.
Oduuf na qalani” jette lukkuun.
Oduun soora (nyaata) gurraati
Of hubde yaa dhakaraa kan harkaan mukatti of buufte.
Of jajjuu hantuutaa eegeen lafa hin gahuu.
Of-jajjuun loon lamaa, tikseen kuma lama.
Of-jajjuun loon lamaa, tikseen kuma lama.
Ofii jettu mi’aa’i yoo kaan dhagaa jadhanii sigatu jedhe soogiddaan
Ofii nyaatan ormaa laatan.
Ofiifu duutii maaf of huuti.
Okkoteen waaqa hin beekne, eelee bishaan kadhatti
Ol kaayan malee olka’aniif hin fuudhan.
Olkaayaniif malee ol ka’aniif hin fuudhan.
Olkaa’an malee ol ka’anii hin fuudhani.
Ollaa fi dugdaan ka’an.
Ollaa fi Waaqatti gadi bahu.
Ollaan bultee beeka akka itti bule abbaatu beeka.
Osoo akka yaada namaa tulluun diriiraa ta’a
Osoo garaan addaan nama hin baasin, karaan addaan nama baasa
Osoo gubadhuun kolfa jette akaayiin.
Osoo hin hubatiin harka hin gubatiin.
Osoo hin hubatin hin dubbattin.
Osoo horiin hin galin hattuun mooraa guutte.
Osoo wajjiin gallee hoolaa, walii qallee” jette jeedalli sareen.
Qaallu salphattu nama du’utti waaman
Qalbii malee ijji hin argitu
Qaroo dhabeessi “maal barbaadda” jennaan “ifa” jedhe
Qarri qara hin muru.
Qeerransa eegee hin qaban, qaban gadi hin dhisan
Qeerrensa eegee hin qaban qaban gad hin dhiisan.
Qeesii mataa sabbataa amajaaja dabboo sanbataa jedhu.
Qilleensarratti mana hin ijaaran.
Qoree dur dirteef hiyyessi okkola
Qottoon maal nu godhe, kan nu miidhe muka keenya isa jallate jedhe mukni jigan jedhan.
Qunceen wal gargaartee arba hiiti.
Qunnii buqqisaniit, abaabilleetti darbu.
Qunxur mana fixxee cimmif mana gattii, jedhan.
Quufan malee hin utaalani utaalan malee hin cabani.
Quuqaa cinaacha jalaa abbaatu beeka
Raafuu fixee rafuu dide.
Raafuun hanga okkoteen qabatu affeelan.
Re’een baala agarte qeerransa hin argitu
Re’een kan ofii hin beektu sareedhan eegee gad qabadhu jetti.
Re’een kan tokkoo raafuun kan tokkoo, kis jennee kiisii dabalanne
Roobiin garbaa baatee, fiixeensa arraabdi.
Roobuus caamus ijii misiraa lama.
Sababa jette ballaan farda yaabdee.
Sagal ka’uu irra sagal waamuu wayya
Salphinni abbaa lafaa bara midhaan bade.
Salphoo soqolatte, soqolaa gargaaru
Sangaa ofiinuu alba’u eegee qabdee raaftaa?
Sangaan bara qote hedata
Sangaan biyya ofiitti bookkisu, biyya ormaatti ni mar’ata
Sangaan biyya ofiitti bookkisu, biyya ormaatti ni mar’ata.
Sanyii ibiddaa daaratuu nama guba.
Sanyiin buqqee miiciraantu hadhaa’a
Sanyiin waan facaasan magarti.
Saree adeemtuu dill’uu goromsaatu darba.
Sareen namaan buluuf udaan namaa nyaati.
Sareen sarbaa hinqabdu mukarbaa hinyaabbattu.
Saroonni walnyaatti kan ishii nyaatu hin argan
Sa’aa eegee hin qabne cirriin hin sodaattu
Silaa dhufa hin ooluu kajeelaa dura waami
Silaa dhufa hin ooluu, kajeelaa dura waami
Sinbira lubbuuuf kaattu ijoolleen tapha seeti.
Sirbaaf dhufanii morma hin qusatan
Soddaa jiruu sanuu balbala jiruu wal hin lolan!
Soogidda ofii jettu mi’aayi anaa jettu dhagaa tahi.
Sossobbiin madaa hin foyyessu
Surree namaa ergisani irra hin taa’inii hin jedhani
Suuraan gaariin abbaa fakkaata.
Suuta deeman suuta qoreen nama waraanti
Taakuu dhiiftee dhundhuma deemti.
Tafkiin gaafa haxaawan, gowwaan gaafa gorsan itti abaasa.
Tafkiin lafatti walnyaatti, namarratti wal baatti.
Tafkiin utaaltus laga hin ceetu.
Takkaa diimanne jette nuugiin.
Takkuman kufee, suutan ka’a” jette jaartiin
Tanaa warri rafnaan jette sareen.
Tika didaan dhiyaana dida.
Tikseen taakkuutti dhiistee dhumdhumatti kaati.
Tiruun bulte lafee taati.
Tokko namaatu nama dida, kan lammata abbaatu of dida.
Tunis dhukkuba taateef tessuma nama dhowitii jedhe namichi dhullaan qabde
Tuulamanii taa’anii waaqa ofii hin komatan
Ukkaamamee raafamnaan aannanu qabee cabsa
Ulfeessaniit ulfaatu jettet haati ilmaaf farda qabde.
Waan biyyaa bilbilli iyya
Waan Dabruuf maqaa hin dabarre hin fuudhan
Waan dhufu hin beekanii saree tana akaayii barsiisaa
Waan gaarii seetee mimmixa dhuka ykn bobaa jala kaawwatte.
Waan qabaniin gabaa bahu.
Waan uffattu hin qabduu aguuggattee haaddi
Waan waaqni qocaaf kaa’e illeettiin hin fudhattu
Waan warri waarii jedhu ijoollleen waaree jetti
Waanyoon yoo kufan waan caban nama seeti!
Waaqatu nu eega jedhanii balbala banaa hin bulan
Waaqayyo beekee bofa miila dhowwate
Waaqni duumessaa’e roobuu hin oolu
Wacitii abbaan cabsee kaa’e, kan dhiqee kaa’e itti kakata.
Wal jaalateef lafoon wal hin hudeeltu!
Wallaalaan bishaan keessa dhaabatee dheebota
Wallaalan bishaan keessatti dheebota!
Wanta odeessanii fi wanta bobeessan hin dhaban.
Waraabessa darbee sareen dutte.
Waraabessi biyya ofii nama haanyaatuu.
Waraabessi guyyaan yuuse beekkachiise
Waraabessi waa nyaatu tokkuma kan maqaan badu hunduma
Waraabessii biyya namni isa hin beekne dhaqee itillee naa hafaa jedhe.
Warra afaan walii beekuu, harreetu balbala cufa.
Warra walnyaatu jidduudhaa waa nyaatu
Warri guddaan aduurree wasaasaa baata
Warruma keennaa harreen hin taane jedhe namichi booyyee ari’ee.
Yaa anaa durii” jette cirrin fadrdarraa kuftee.
Yaa cubbuu “essa dhaqxa” jannaan “bakka itti na ergan” jatte
Yaa marqaa si afuufuun si liqimsuuf jedhe.
Yaa saree ciidhni akkami” jennaan “isa quufe hin kadhatu, isa beela’e immoo ni dhowwatu” jette. Kan akka fardaa nyaatu gaafa waan nyaatu dhabe du’a. ” Jedhe kormaan hoolaa korbessa re’en
Yaadni hamaan nama huqqisa
Yaanni karaa hin dhaleessu.
Yaawaaq siifan ka’a, achumaanan gaayyaa koo fudhadha jette jaartiin.
Yoo akka nyaattu homaa hin taatu yoo akka aadduu barana him baatu
Yoo baay’ate dammis ni hadhaawa
Yoo dheeraan tarkaanfii malu, gabaabaan hulluqaa malata.
Yoo hundumasaa dubbatan garaan duwwaatti hafa jedhan.
Yoo itti hubatanii ilaalan tafkiin ija qabdi
Yoo rakkatan fala barbaadan
Yoo waraabessarraa hafte keenya” jette sareen, harreedhan
Yoon ani du’e araddaan hin margin jette harreen.

Madda: Mammaaksa - Afaan Oromo Online (afaan-oromoo.com)

Search This Blog

Labels

3/28/2024

Makmaaksa #2

No comments:

Post a Comment

How to Activate Windows/Office?

popular posts

Popular Posts

Blog Archive