So funny

 What a meme?

Abaarsa Suubboo

"Sa'a adii korma dhaltu

Sitoo tuufoo haammatee

Maalan siif godha garuu

Sitoo suubboo jaalatee

Hubboon laga dhaabataa

Baaqelaa hinliqeessinii

Suubboon nyaata jaalata

Waaqni isaa hinsifeessini!"

.

"Suubboo yaa monoffolii

Ibsaa looshaa boqorii

Jaarsa ijoolleef dhaadatu

Gobaan ittaa dhaabbatu

Jaarsa ijoolleef hokkolu

Gobaan isaa dhonqoruu"

jetti dubarri durii, gaafa intalli suubbootti heerumuuf kaatu.

Afoolli raajiidhuma!

Ref: https://www.facebook.com/share/p/vHKtDCSR4S8gHXLK/

Jibaat #1

Dachee Qabeenya Uumamaan Badhaate

Godina Shawaa Lixaa

Bosona Jibaat

Godinni Shawaa Lixaa qabeenya uumamaa fi iddoowwan seenaa qabeessa hedduun kan badhaatedha. Qabeenyi godinichaa aanaalee itti argamu keessaa aanaan Jibaat isa tokko.

Aanaan Jibaat bakkeewwaan hawwata turizimiitiif oolaan uumaman badhaadhaan hedduu qabdu keessaa: kanneen akka ardaa jilaalee, dhagaa Tuullaa katar, Fincaawwaan akka fincaa'aa Gaattiraa, Faalleefi Leemman, Bosonoota gurguddoo Akka Bosona Jibaatiifi Asaasaa, Laaftoo Libaniifi kanneen biroon hedduudha. Isaan kanneen keessaa har'aaf waa'ee Bosona #Jibat hamma tokko jabaa isiniin jenna.

Bosonni Jibaat Godina Shawaa Lixaa Aanaa Jibaat Magaalaa Shanan irraa km 8 fagaatee kan argamudha. Bosonni jibaat lafa iskuweer kiilomeetirii 12,000 ol uffisee kan argamuufi gosoota biqiloota garaagaraa 66 ol of keessaa qabaachuu isaa odeeffanneerra.

Kana malees bosonni kun akka madda tuuriziimiitti taajajila kennuun cinaatti bakka jireenya bineensoota gurguddoofi kanneen lafarra lohaan mukeenirra jiraatanfi kanneen biroollee ta'ee tajaajila jira.

Akkasumas yeroo dhiyoo asitti cinaa bosonichaatti dargaggoonniifi hawaasni muraasni gaagura aadaafi ammayyaa hidhuun damma irraa oomishamaa jiraachuus ibsameera.

Bosonni jibaat hedduu bal'aafi faayidaa hedduus akka qabu ibsmeen bosonni jibaat Roobaa gahaa naannoo sanaafi akka biyyaatti uumuun cinatti madda bishaan dhugaatii qulqulluu hawaasni jibaatiifi naannooshe hedduun irraa fayyadamaniiti.

Bosonni Jibaat Godina Shawaa Lixaa keessatti kan argamu aanaalee godina Shawaa Lixaa afur Daannoo, Noonnoo, Jibaat fi Liiban Jaawwii keessatti kan argamuudha.

Kana malees Bosonni Jibaat Bishaan hedduu qulqulluufi dhandhama gaarii of keessa qabuus waan keessaa burquuf Qaamni Bishaan jibaatirratti investimeentiin hojjeechuun ofiifi hawaasaa fayyaduuf fedhii qabu yoo dhufe haala gaariin kan simatamu ta'uu ibsameera.

Madda: Kominikeeshinii Godina Shawaa Lixaa (https://www.facebook.com/share/p/J4r9CfkcEcJJFrb2/)

Makmaaksa #10

"Yaa rifeensa dhaddee, biilaa qaradhu;

Yaa hiyyeessa baddee, ifaan maladhu."

Waliin Dubbii Gurbaafi Intalaa

YAA SANBATA TASAN BADAA!"

(Waliin Dubbii Gurbaafi Intalaa Bara durii)

...

Ishii:

"Yaa Sanbata Kusaayee

Silaa gatiin durbaa hinbushaayee

Anoo manattan ulfaayee!"jetti. Asitti ddubbistootaaf margan qaba!

...

Isa:

"Arbuun jinfuudhaa

Manatti hinaftu

Anuu sin fuudhaa!"

..

Ishii:

"Arbuun ceekaadhaa

An sitti hineerumu

Atuu deegaadhaa!"

...

Isa:

"Xaafii gamaa cagadannaa

Koottuu natti heerumi

Wajjin nagadannaa!"

...

Ishii:

Xaafii gamaa hincagadinii

Otuma na hinfuudhiin

Dur maaf hinnagadin?"

...

Isa:

"Nan gurgura sangaakoo isa mararaa

Siin bita bashannaqaa

Burree gurgureen siif bita maashinii

Daggala uffattee haabaatu maasinii...!

Ishii:

"Dhugumayyuu mee na fudhadhuu gali!"

Isa:

"Sambata Gabaa Gaam'aa

Galeen abbabbaa gaaf'a!"

...

Ishee:

"Sambata Gabaa Geemmoo

Maal jedhe abbaan keemmoo?"

...

Isa:

"Muka ammaa hordanii fageessuu

Durba ammaa gorsan hindhageessu...!"

...

Ishii:

"Jaldeessi gaaranaa baaqelaa sukkuumaa

Abbaan namaa kadhatee...

Qaraxee nama fuusisa jennaan,

Keemmoo gadaakee sukkuumaa

Jaarsi maddiin suntuuraa?"

...

Haaluma kanaan osoo haasa'anuu fudhatee galee waliin jiraachuu jalqabu. Baatii muraasa booda dubbiin biraa ka'a.

Ishii:

"Burree gurgurii naaf biti maashinii

Daggala uffattee haabaatu maasinii

Gurguri sangaakee isa mararaaa

Naaf biti bashannaqaa

Yoo ati didde isa qabuttan dhaqaa!"

...

Isa:

"Hingurguru sangaakoo isa mararaa

Siif hinbitu bashannaqaa

Burree gurguree siif hinbitu maashinii

Daggala uffattee maaf baati maasiinii

Walitti nam'iteeti iyyiti maatiinii

Yoo kanaan didde kuunnooti daandiini!"

Madda: https://www.facebook.com/share/p/GUjY899KVe1RpF53/