Ilaamee 🐦#72

#ilaamee #72

#haadha_bunee

(...maal yo roobee,

duruu in roobaa...

jetti durbi jalbultii sirbattu fagoo irraa. Waarii.

...Dirree naana'ii kommee

jetti, wal jalaa qabdee ...)

-...haadha bunee

-oo koo

-buna hin qabduu?

-qaba illeedhaa

gurgureen raada tokko bitadhe raashoo

-ihii raashoo

-raadattiin in badde, raashoo

-ihii raashoo

-barbaacha isheen kahee

an, waan barbaadu beekaa

nama hin beekne reebaa

-n jedhe, raashoo

-ihii, raashoo

-jiga yaa'u, ceeka muru

jila taa'u, seera tumu

-ittin dhufe, raashoo

-ihii, raashoo

-raada koo agartanii?

-jedhe, raashoo

-...tokko taahu, tuuta nyaatu

moo, tuuta taahu, tokko nyaatu

...-tti dhufuu wayya?

hibboo hiiki, yaadaan fiigi, jedhan, raashoo

-ihii, raashoo

-hibboo hiikee, darbee fiige, raashoo

-ihii, raashoo

-akkoon akaakyyuu

maqaan ishee Anjuu dha

sabi abjuu hin qabne

ofiyuu abjuu dha

yoom himtaree Anjuu

yoom hiiktaree abjuu?

...Anjuun jechaa,

-yaada qabee, raada dhabee darbee fiige, raashoo

-ihii, raashoo

-kolfaa gabaa naanna'ee

kora sabaatin ba'e, raashoo

-ihii, raashoo

-raada koo agartanii?

jedhe, raashoo

-ihii, raashoo

...-Akaakoo Tukkaalee

Guujii baanaa

Bonayyaa Sooloo

Boroo-aanaa (Booranaa)

Leenjisoo Diigaa

Sikkisaa, finna

...maaliin cabe, Sikko

maaliin dabe, Mando

jedha biyyii

nagaan ayyaana

ayaanni niyyii

maal jetta atii?

jedhan, raashoo

-ihii, raashoo

...kan biyyi cabe

waan sadiin

kan niyyi dabe

waan sidiin:

Daargee, gaangee, qaanqee

sidiin sidii hamaa

raada koo raada koo

raada koo naaf himaa

jedhe, raashoo

...nan fiige nan darbe, raashoo

-ihii, raashoo

-sidii yaa'u darbee,

sidii taa'u arge,

raashoo

-ihii, raashoo

...-korma mogolchanii

rimaa gatachanii

Sikkisa, Mandooyuu

dhiirri geeshoo tumaa

beerri faandoo gubaa

aannoleetiin qotuu

aannaniin dhiqatuu

...raada koo agartanii?

jedhe, raashoo

-ihii raashoo

...lubaan bulla,

jedhe, biyii

qubaan bulla

hin jenne, biyii

nagaan qaallu,

qaalluun niyyii

Sikkisa, Mandooyuu

kuun hayyuu, kuun wayyuu

raada kee hin agarree

darbii gaaffu tarree,

naan jedhan, raashoo

-ihii, raashoo

-nan, fiige, nan darbe, raashoo

-ihii, raashoo

...-ya maccaa, ya maccaa

ibsaa mataa gucaa

dhinsaa maqaa mucaa

boruu karra dhiyaa

boorrataa mandiyaa

raada ko hin agarree

kan gaanfi waaqa taraaru

kan maalli ishee lafa haruu

...ittiin jedhe, raashoo

-ihii, raashoo

-...raada kee hin agarree

ya qarree, ya qarree

gadaan bulla

jedhe, biyyii

baraan bulla

hin jenne, biyii

ayaanni nagaa

nagaan niyii

maal jetta atii?

...naan jennaan, raashoo

-ihii, raashoo

-yammuun Leeqaa ba'uu

Abbaa-Seenaa ga'uu

raashoo,

-ihii, raashoo

raada koon argadhe, raashoo

-haadhi hamma baalaa

jabbiin hamma gaalaa

raashoo

-ihii, raashoo

-haadha qomattin fudhe

jabbii duddattin fudhe

raashoo

-ihii, raashoo

-dhaltii faarsaa

waatii baabsaa:

...jiya sokkaa

ya jiya sokkaa

roobsi bokkaa --

bokki-bokkeen

nu guddisaa

wayaa furdaa

nutti huwisaa

galaanni akka hin guune

qurxummiin hin duune!

...maal yo roobee

duruu in roobaa

jetti durbi jalbultii sirbattu fagoo irraa

...aduu-boosoo

ya aduu-boosoo

aduun-boosoo ba'ee

bosoqi boba'ee

dannabi bobba'ee

ya dannaba-aabbaa

aannoleen darabaa

jabbiloon darrabbaa!

...jetti, raashoo

-ihii, raashoo

-yammuu warra geenyuu

dika gubbaa teenyuu

hantuuaf' adurree

hojiin Waaqaa burree...

tokko mata-qaboo

tokko dhiiga-kophoo

bal'aan taahee ilaalaa

kan iji kalaalaa

ilaalu hin arguu

qoolaa

facaasu hin marguu

oolaa

-...maal siif godhu?

jedhe, Waaqni,

isa ija tokkoo(n)...

-isa tokko jaamsi

ija obboleessa koo

isa tokko dhaamsi

ifa obboleessa koo

yoos,

-anis fokkoo!

innis fokkoo!

walqixxee muraa raafuu

bal'aan bal'aa hin hinaafuu!

...jedhe, raashoo

-ihii, raashoo

-afooleen in teessii

sirba midhaansitii

sirna wal dhaansitii

raadden wal gaansitii...

-raashoo

-maaltu duuche,

qabata, eela kanaa

maal tu adooche,

labata, reera kanaa?

sooriyoo bobbaasaa

horee hora obaasaa?

ayyaanni isaa Walla

naqaan isaa Salbaani

horri isaa Finfinnee

mataan surree qabaa

surriin fayyaa qabaa

ruufaa, huufaa, kabaa

umurii harraagessaa

fayyaa akka gadamsaa

ariyee waa qabaa

fiigee waa qaqqabaa?

okkolaa, oggolaa

suubboo dhiira golaa?

jetti, absaalli, raashoo

-...jamaan wareera mugaa

jaamaan areera dhugaa

shaayiin Anjuu dubbisaa

abjuun maree kuffisaa--

...-akkoon akaakayyuu

maqaan ishee Anjuu dha

sabi abjuu hin qabne

ofiiyyuu abjuu dha

yoom himtaree Anjuu

yoom hiiktaree abjuu?!

...jetti, shaayiin, Anjuun

walaa taatee abjuun,

raashoo

...-ihii raashoo

...-machii dha, michii dha,

machii jaalalaa ti,

michii, libaallibbii

rukuttaa afuuraa ti,

hojii ayyaanaa ti

waamicha lubbuu ti

wiinama cubbuu ti

yoom himtaree Anjuu

yoom hiiktaree abjuu?

shaayiin, jennaan, raashoo,

-ihii raashoo

...-yo lootii gurraa naa tumtu

yo loomii furmaa naa cirtu

yo filaan mataa naa filtu

yo firaan nagaa naaf himtu

yo jiyaan callee naa dirtu

yo gurdaa hiiktee na injirtu

Anjuun, jennaan, raashoo

-ihii raashoo

...-akkoon akkaa

gayaa tu akka-malee

rakkoon rakka

guyyaat' takka malee!

...yoomiree?

...lafa tu kirkiraa

samii tu girgiraa

'saa ilaallaa--

akka qaqaa harcaasu

akka awwaara kaasu

awwaala diigaasaa

gargar nu hiikaasaa

yo nu waliin kaannu

yo waliin kaachiifnu

...yoomiree

yo Karra Waaqaa naa bantuu

yoon jabbiloo yaasee bobbaasuu

yoon jiboota bishaan obaasuu

yoon galu, karaa karra kee

yoon qalu, mijuu warra kee?

...yo Guyye ulaa nuu dhuftuu

yo Ayyole uraa nuu cuftuu,

yo Ateete muddaa nuu furtuu

...gaafas nutti hiftaa, halaalaan

gaafas nutti himtaa, haalaan?

...jette, shaayiin, Anjuun

maraanmartoo abjuun--

raashoo

...-maal yo roobee

duruu in roobaa

...-dirree naannayii kommee

jetti durbi jalbultii sirbattu fagoorraa... amma, golollisa, lafa-barii.

Source: Abba Ebba

Kitaabilee Afaan Oromoo (Hanga 2024)

Kitaabilee Afaan Oromoo(Hanga 2024)

●A

Alii Barkii - Isaayyaas Hordofaa

Anaan'yaa - Prof. Asafaa Tafarraa ( Abba Ebba )

Abjuukoo Hin Gurguru - Ebisa Bayissa

Aarsaa - Abiraaham Jaalataa

Abuuruu - Jaatanii Bonayyaa

A'aa - Abdiisaa Balaachoo

Anaa Fi Dinsirii - Abdiisaa Balaachoo

Amartii Imaanaa - Hambaasan Guddisaa

Abjuu Edaa - Kabbadaa Alamuu

Abbaa Hin Qabu - Kumaa Duulaa

Abdii - Ifaa Balaay Tamasgeen

Anaafi Isaan Gidduutti= Lammii Tarreessaa

Ate-Loon = Prof Asafaa Tafarraa

Anaa Fi... - Komartiket Yadessa Wegi

Alanfannaa Bishaanii - Nimoonaa Injiguu

Amala Namaaf Iccitii Jaalalaa - Qannoo Addisuu

Aadaa Oromoo Wallaggaa= Luba Dafaa Jamoo

Anaa Fi Ameerikaa - Ebisa Bayissa

Ashalamoo - Abdiisaa Turii

Afaan Qawwee Jalatti - Lammiii Beenyaa

Ayyaana Korroosoo - Abdiisaa Turii

Atis Ni Moota - Warqinaa Abarraa

Artiifi Aartistii Oromoo- Daadhii Galaan

Awwaala Jiraa - Calqabaa Guddataa

●B

Bishaan Gubate – Mahaammad Siraaj

Beekumtaa Oromoo - Filee Jaalataa (PHD)

Baduukoo Eenyutu Dhokse? - Ashannaafii Bahaaruu

Biiftuu Haqaa - Falmataa Kafanaa

Beekaa - Mushurraa Taganyi

Bilchina Miiraa - Dr. Iyoob Maammoo

Booree Booruu - Beekanii Taakkalaa

Biiftuu Diiramaa - Mangashaa Riqituu

Burreen Bifa Tokkoo Miti - Gaaddisaa Birruutiin

Bu'uuraalee Ogbarruu Oromoo - Fedhasaa Taaddasee

Booree Baroode - Cabsii Taliila Galaan

Biiftuu Barasaa - Shifaa Ibiraahim

Barbaadanii Of Argachuu - Diittaa Huseen Abdurrahiim

Bakka Yaadne - Warquu Guddinaa

Booree - Guddataa Hirphoo

Barnoota Oromiffaa: Seera Qajeelcha Afaanii - Toleeraa Tasammaa Fi Hundasaa Waaqwayyaa

Booree Booranaa - Abarraa Hambisaa

Barbadaa - Lalisaa Abbaa Garoo

Bakkalcha Barii - Safa Zeenu

●C

Cuunfaa Dhiigaa - Yeyis Biru Negero

Callisa Burqa - Tasfaayee Gabira'aab

Coqorsa Abdii - Galataa Tsaggaa Naggasaa

Cagaddii - Falmii Tc

Cancala - Birmadummaa Namee

Ciniinsuu - Lammii Girmaa

Cabaa Cabsan - Lalisee Mokonnon

Caba Cabaan Cabe - Galaanaa Faaris Adam

Corcarii - Moonaa Fiqaaduu Abarraa

Cancala Seenaa - Tsahaay Kumsaa

Caba Cabaan Cabee Lafee Ta'e - Koricho Shufera Wari

●D

Dhaloota Mul'ataa - Kanenus Kasa Bayisa

Dhangaa Dhangala'e - Belina Wakjira

Dorrobaa - Mo'ibon Baqqalaa

Dhikkifannaa - Beekan Gulummaa

Dhaqdhaqii - Gammachiis Abarraa

Du'aa Jiraatu - Waadaa Bultii Caalii

Dubbisa Akeeka Ogummaa - Daawwitii Shifarraa

Dimiimmisa Kaleessaa - Abdiisaa Turii

Dirree Waraana Sadaffaa - Moonenus Hundarraa

Dirree Waraana Sammuu - Eebbisaa Baayisaa

Dhaloota Qaalii - Tolasaa B Hundee

Dhaaddacha Sobaa = Bilisummaa Shibbiruu

Dhangaa Dhiigaa - Dinqaa Tuujii

Dhaadannoo Moo Yaadannoo?- Diinayaas W Abeebee

Duula Baratanii Barsiisuu Dargaggoota Arsii Fi Seenaa - Abdiisaa Turii

Dhaloota Sodaa Cabse - Kedir Abdulatif

Dhaala - Moti Abelti Tufa

Dhidhiibbaa Caba Dabale - Lalisaa Indiris Adam

Dugda Duuba Waan Badee - Daawwitee Tamasgeen

Dhaamsa Abbaa - Gaaddisaa Birruu

Dhaamsa Dhumaa - Galaanaa Dheeressaa

Danaa........Asafaa Tafarraa

Dungoo Jireenyaa - Eebbisaa Baayisaa

Daandii Mo'attootaa - Eebbisaa Baayisaa

Dibaa - Yaasoo Kabbabaa Hordofaa

Dirmammuu.........Takilee Qinaaxxii

DHANGAA DHALOOTA QUBEE: Tumsa Haaromsa Seenaa Oromoo - Gazzahaany Lammii

Dhoksaa Jireenyaa.......... Abdii Fiixee

Dhundhuma Hin Dhumne...Abdiisaa Tibeessoo

Daaniyaa - WADO

Du'a Gurraacha - Yoomiyyuu Mul'ataa Kitil

Du'a Dhumaa - Bariinaan Jifaaraa Guutaa

Du'i Du'a Gootaa - Jaaloo Jaarraa

Duumessa Hin Roobin - Taaddanee Hirphaa

Duumessa Galgalaa - Oromiyaa Qaccee

Duub Deebii Seenaa - Gammachuu

Duudhaa - Maammoo Gadaa

Dukkana Barii Jalaa - Fedhasaa Taaddesee

Dhiiga Dhiigaaf Dhiige - Dammaqsaa Firoomsaa

Du'aaf Jireenya Gidduu - Lammii Beenyaa

Dilbii Afoola Oromoo - WATO

Dhangaa - Gabii Bunoo

Dhabsuu Seenaa - Geetaahun Hayiluu

Dorrobaa Maseene - Tigist Warquu

Du'a Dhumaa - Bariinaan Jifaaraa

Dammadaamuu - Hinseenee Makuriyaa

Deemsa Qocaa - Dargaggoota Shan

Dirqama Dhalootaa - Galataa Maammoo

●E

Egeree Oromoo Fi Humna Mo'ichaa - Ofiikoo Nugusee

Eenyu Siin Jedhu? - Injiner Lalisa Benti

Eelaa Imaltuu - Ama Nuu Ta

Eelaa Jireenyaa..........Baqqalaa Lataa

Eela........... Rahiimaa Jawwaar

Ekeraa Haramaayaa - Abraham Tesfaye Gudina

Eelaa Harmee - Oliyaad Cimdii

Ekeraa Dhugaa - Hundaa’ol Mokonnin

Edas Edanas - Prof Asafaa Tafarraa

Ekeraa Dimokiraasii - Dajanee Xaafaa

Ernistoo Cheguveeraa - Mangistuu Warqinaa

●F

Furtuu Gumaa - Tashoomaa Guuttataa

Faana Imaanaa - Walabummaa Dabalee

Firii Wareegamaa - Biqilaa Amanuu

Faana Of Dha'uu - Falmataa Taarraqany

Finfi - Prof Asafaa Tafarraa Fi Hiriyoota

Fedhii Gamtokkee ..... Gaaddisaa Birruu

Furgaasi - Ãangos Saamu'eel

Faaya Fayyaa - Dr Nafyad Getu

Faan Dhoofticha Gadoo - Hinseenee Makuraa

Faana Imaanaa....Walabummaa Dabalee

Firii Farraa - Muhaddiin Hasan Godaanaa

Fiigicha Miiltoo Dhabe - Kumee Mootii

Faaya Oromiyaa - Abdiisaa Guyyee

Faana Seerluga Afaan Oromoo - Taayyee Danda'aa Araddoo

●G

Galaa Qeerroo - Dargaggota Shan

Gaabbii Injifachuu - Yohaannis Warqinaa

Godaannisa Jilbaa - Gamtaa Zawudee

Gaaddisa Gurraacha - Amaan Guddataa

Guduunfaa Hin Hiikamne - Ayyaantuu Jaallataa Biilaa

Gatiin Namaa Meeqa? - Ebisa Bayissa

Gadoo Lakkuu - Gaarii Abbaa Booraa

Galaa Sammuu - Galataa Tsaggaa

Gaaffii - Hundumaa A Booji'aa

Galfata - Lalisaa Indiris Adam

Galaa Dhiigaa - Abraham Jaaalataa

Godaannisa.......... Dhaba Wayessa

Gurraacha Abbayaa - Dhaabaa Wayyeessaa

Gabrummaa Birmadummaa Fakkaattu - Mihratuu Shaanqoo

Guuboo Seenaa ......... Beekan Gulummaa

Gaachana Dhommoqe..... Beekan Gulummaa

Gindiillaa - Beekan Gulummaa

Gadaa Biqile - Isiraa'el Tamasgeen

Gundoo Booree - Maaramee Harqaa

Guca Qabsoo Oromoo- Yoomiyyuu Mul'ataa Kitil

Gaadii - Beenyaa Dhaabaa

Gadoo Lakkuu - Gaarii Mangashaa

Gatii Gumaa - Latii Caalii Likkaasaa

Gola Icciitii - Gammachuu Irreessoo

Garaacha Garaan Gube - Barnaan Jifaaraa

Galaa Jireenyaa - Hinseenee Makuraa

Gantuu - Dheeressaa Gannatii

Gadaa - Bokkuu Gadaa Dhaabbata Maxxansaa Fi Beekisisaa

Gaggeessummaa A To Z - Dr. Iyyoob Maammoo

Gara Jabeenya Abbootii Irree - Iddoosaa Margaa

Gaadidduu Gaaddisaa - Jabeessaa Galoo

Gammachiisaa - Waldaa Macaafa Qulqulluu Itiyoophiyaa

Galata Waaqayyoo - Dhaabbata Amantii

Gumbii Oduu - Luba Dafaa Jamoo

Gola Icciitii - Gammachuu Irreessoo

Ga'umsa Dhokataa Keessakee Jiru - Eebbisaa Baayisaa

Garagaltoo - Xiiqii Dajanee

Galaa Dooccoo - Dilgaasaa Dirribsaa

Galata Qeerroo- Ibsaa Ahmedsiraj

Giimii – Beekaan Gulummaa

Goolii Gurraacha - Toleeraa Fayisaa

●H

Hin Dhaqiin - Lammii Sobbooqaa Gurmuu

Harmee Harma Malee- Sisaay Bulbulaa

Hayyuutu Ragaa Bahe- Argannee Katamaa

Hirmii- Cabsii Taliilaa Galaan

Humna Muldhataa - Eebbisaa Baayisaa

Hubannaa - Maammoo Gadaa

Hiree Hiraarfamte - Sooran Nugusaa

Huursaa - Luba Dafaa Jamoo

Horooroo - Bitaacha Dhaabii (Gabree)

Hiree Jal'atte - Tolaa Urgii

Hayyuutu Bahe Ragaa - Argannee Katamaa

Humna Gaarummaa - Hinseenee Makuraa

Haalan Gaggaarii - Muhammad Saahil

Hiika Mo'ataa Guddicha - Guutuu Indaashoo

Hiree Dukkanoofte - Naa’ol Alamuu

Hiree Galgalaa - Hawwii Gonfaa

Huuruu Harree - Qannaa Wayyeessaa

Hawwii. .........Isaayyaas Hordofaa

Halluu Du'aa - Ebisa Bayissa

Handhuura Oromoo - Irranaa Gammachuu

Halluu Yaadaa - Tokkichoo Ifaa

Halkan Hamaa Sana - Warqinaa Shifarraa

Hirmaata Dubbii Afaan Oromoo- Dr.Hayilee Fidaa

Himata Dhidhime - Oliifan Fiqaaduu

Haqa Miliqe - Angaatuu Caalaa

●I

Imala - Galataa Salbaanee

Itti Jabaadhu - Shumi Abera Gemechu

Ija Banaa - Iliyaas Abdallaa

Ichima Jaalalaa= Rabbirraa Getaachoo

Irbooricha - Wabii Kabbadaa Barkeessaa

Ilkee Miliqe - Keenboon Abrahaam

Isa-Nahafee - Leencoo Lataa

Ishrak - Temesgen Atnafu

IHIM - Oroliyana Daniel

Ilaalcha Oromoo - Dirribii Daamusee

Imimmaan Haadhaa.......... Toleeraa Fiqiruu

Imaanaa Imaltuu........ Abraahaam Tasfaayee

Iccitii Geggeessummaa - Mihratuu Shaanqoo

Ija Nan Bu'iin - Kanaa'ol Badhaadhaa

Irreecha Harsadii - Caalaa Soorii

Imala Jireenyaa - Gaasharee Abdiisaa

Ilkee Arrabaa - Yeyis Biru Negero

Imaanaa Jireenyaa - Yeroosan Shallamaa

Ijoo - Wandimmuu Mul'ataa

Ilaalcha Dhalootaa - Abdiisaa Ejjetaa

Ida'amuu - Dr Abiy Ahimad

Ijibbaata - Yaasoo Kabbabaa

Innika - Baqqalaa Nadhii Fi Gannatii Gurmeessaa

Ichima - Dhaabaa Wayyeessaa

Ilaalcha - Dr. Iyyoob Maammoo

Itti Fayyadama Yeroo - Dr Iyyoob Maammoo

Imalli Keenya Eessa? - Abdii Abbabaa

Ilillii Ededarraa - Urjii Lammii

Ifaajee Cubbuu - Isaa huseen

Irbuu Obboroo - Kumaa Margaa

Iccitii Gadaa - Mohammed Kadir

Imimmaan Oshiwitzi - Hinseenee Makuriyaa

Imimmaan Haadhaa - Eebbaa Qananii

Imimmaan Mararoo - Tokkummaa Caalaa

Imimmaan Jiituu Yoom Qoora? - Didhaa Tolaa

Ilma Abbaa Fakkaatu - Dajanee Kiisii

Ija Xaraa - Dabalaa Damee

Ifa Ija dhokate - Abdulqaadir Mohaammad

●J

Jaalala Summaa'e - Qananii Sobbooqaa

Jechamoota Afaan Oromoo Fi Hiikota Isaanii - Nagaash Hirphaa

Joortuu Jaarraa - Ibsaa Asheetuu Dagaa

Jaarraa Jaaraa - Abdii Qajeelaa

Ji’a Dukkanaa - Daandii Guutamaa

JAARRAA:Seenaa Haaromsa Booranaa - Jaatanii Diidaa

Jabala Jaalalaa............ Wasanee Bashaa

Jinnii Nyaaraa.........Ayyaanaa Mul’ataa

Joora Saafaa Keessaa - Firaa'ol fiqruu

Jaarsummaa Gaabbii - Saamu'eel Gebroomsaa

Jireenya Gamtaa Sabaa - Jaallataa Jaafaroo

Jalqaba Barsiisaa - Oneesimos Nasiib

●K

Kulkulfata - Aaron Waggaarii

Kottaa Kolfaa - Eebbisaa Baayisaa

Karraaf Karaa Keenya - Seefuu Amanuu

Kooba Dubbii - Mohaammad Ahimed

Karaa Hundumaa Guddachuu - Dr Iyyoob Maammoo

Kulkula - Qannoo Birhaanuu

Kolfeen Aarsa - Falmataa Taarraqany

Kudhaama - Feenet Girmaa Waaqtolaa

Kooticha Kota’ame.......Beekan Gulummaa

Kuusaa Gadoo.......Gaaddisaa Birruu

Kan koo Anaaf ---- Diinayaas Warquu

Kudhaama Jaalalaa - Abraaham Tasfaayee

Kudhaama Seenaa - Leellisaa Sayid

Kormammuu - Darara Nurgi

Kitaaba Leenjii Konkolaachisummaa - Darajjee Dassaaleny

Kunoo Kun Maali? - Lammii Bayii

Kililicha Samii - Guutuu Indaashoo

Kaayyoo Koo Gatee Hin Galu - Eebbisaa Baayisaa

●L

Lubbuu Du'aa Kaate - Raajan Waggaarii

Loltuu Haqaa - Gemechu Girma

Lammii Lammii Dhabe - Abdi E. Ayana

Leenca Oromoo (H/Aaddam Saaddoo - Amaan Nashaa Huseen

Liiban Liibiyaa Taate(Yaadannoo Jaallewwanii)- Daadhii Galaan

Loojikii - Dassee Alamaayyoo

Lookoo Jaalalaa.......Beekan Gulummaa

Lambaa Haguugame - Abdulhaalim Arabuu

●M

Mootichaa Fi Gooticha - Abdulhalim Arabuu

Mucucii Dhaabbii Dhabe - Caaltuu Basha'aa Maallima - Beekan Sarbeessaa

Madaala Sammuu - Boonsamoo Mi'eessoo

Maaddii - Eebbisaa Baayisaa

Michuu Tisiisaa - Arsii Gaafa Lolaa

Madaa Madaa Suphe...Gammachiis Alamuu

Miiltoo Jijjiiramaaf - Eebbisaa Baayisaa

Miila Hin Shokoksine - Yaasoo Kabbabaa

Mul'atan Qaba - Baqqalaa Garbaa

Miila Kaayyoo - Leta K. Aga

Maal Kolfa Dhaloonni?-- Lataa Qana'ii

Maraannee Ilaalluu Laata? - Amaanu'eel Waaqturaa Moosisaa

Madaa Ciqilee - Isra’eel Habtaamuu

Madaa Mogolee - Fiixabaas Habroo

Maaltu Ta'uufi? - Daanyee Asaffaa

Masaanuu - Oliifan Fiqaaduu

Mil'uu Uumaa - Qannoo Biraanuu

Marii Gadaa - Mo'ibul Biluu Qawwee

Mallattoo Malaanmalfame- Fufaa Shittaayee

Maltee Hawwaasa Golgaa Duubaa - Guutuu Indaashoo

Moo'amee hin galu - Diittaa Huseen Abdurrahiim

Maal Ta'inna Laata - Mararaa Tafarii

Mirriga Oromoo Harargee - BATO

Maaddii - Eebbisaa Baayisaa

Madaa hin fayyine - Abdurrahamaan Abduramaan Huseen

Mammaaksa Keenya - Asiraat Damisee

Mammaaksa Oromoo Jiildii 1ffaa - Biiroo Aadaa Fi Beeksisa Oromiyaa

Miiltoo - Eebbisaa Baayisaa

Maal Kolfa Dhaloonni - Lataa Qana'ii

Maraatummaa Aduu Gadii- Gammee Darajjee

Madaa Onnee - Lammii Guchii Hirphoo

Mucucuu - Cabsii Taliilaa Galaan

Mirga Ajjeesuu - Jaankoo (Waaqoo Getaachoo)

●N

Nafa Naafate - Riyaad Raayyaa

Nan gammada - Ximqataa Kumarraa

Numalee(Aangoo Sanyiin Dhaalamte)- Daadhii Galaan

Namooma - Galaanaa Alamuu

Naatoo - Ofii Koo Abbaa Joobir

Nan Ganin Sin Ganuu - Firaa'ol

Numaaniyaa - Fedhasaa Taaddasaa

Namummaa........WBO (Waldaa Barreessitoota Oromoo)

●O

Of Ilaalee - Oliifan Darajjee

Obbo Joobir - Firaa'ol Fiqruu

Oolmaa - Haacaaluu Dhugaasaa Fi Diinayaas Warquu

Obonboleettii - Dr. Zalaalam Abarraa

Of Keessa Hin Badiin - Kumaa Margaa

Oromummaa Fi Islaamummaa - Ustaaz Gaalii Abbaa Boor

●Q

Qaallicha Gaafadhu - Lalisaa Indiris Adam

Qilillee. ...... Lalikaa Kuush (Burtukaan)

Qaanqattii - Galataa Tamasguu

Qara Eeboo......... Wasanee Bashaa

Qaroo Qeerroo - Gammachiis Burqaa

Qaroo Dhiiga Boosse - Mootii Mootummaa

Qabsoo Uummata Oromoo Eessaa Ka’ee Garamitti - Abbaa Duulaa Gammadaa

Qaanqee Qabsoo Oromoo - Yaassiin Mohammadi Fi Mohammad Ismaa'il

Qawwee Aartii Keessaa - Amaan Nyafaroo

Qimmiiddaa - Ifargan Guddataa Itichaa

Qaalii - Obsii Filee Fi Baqqalaa Lataa

Qooqa Miiraa - Raga Isayaa

Qooda Seenaa - Miilkoo Dabalee

Qarriiffaa Wal Nyaate - Sooressaa Hundarraa

Qaraa - Wasanee Bashaa

Qoraa Sammuu - Wasanee Bashaa

Qormaata Jaalalaa - Eebbisaa Baay'isaatiin

Qaxxisa Qabsoo - Loltuu Akka Kanniisaa

Qoricha Maraatuu - Magarsaa Qana'aa

Qorsa Sammuu - Wabayyaa Galaan

Qabsoon Oromoo Eessaa Garam - Tulluu Goolee

Qalbii - Mirreessa Amanuu

Qorii Qorsaa - Wasanee Bashaa

Qorlugaa Fi Seerluga Afaan Oromoo - Wasanee Bashaa

Qaroo Qaarite - Fiqaaduu tasammaa

Qoraasuma Qorii - Oromoo Higgii

Qajeelcha Afaan Oromoo - Baqqalaa Mul'ataa

Qubee Afaan Oromoo - Dr. Sabbatoo Bushaa

Qubee Harmee - Nuredin Ibrahim

Qeerransa Kaampaasii- Gurmuun GAHAO

Qara Dhugaa- Baayisaa Bulbulaa

Qonyonyaa Hooqame - Lammeessaa Gachiisaa

●R

Rirriittaa - Hawwii Gonfaa

Raajii Baraa -Nimoonaa Kabbadaa

Riqicha - Jaarraa Bultii

Rakkinni Haa Rakkatu - Abdiisaa Ejjetaa

●S

Sabbata Harmee - Daliil Mahaammad Guddataa

Safuudha - Aga Guda NL

Seenaa Oromoo Hanga Jaarraa 16 Ffaa Getaachoo Hayilee, Tasammaa Ta'aa Fi Kan Biroo

Seenaa Abdiisaa Aagaa - Abrahaam Eebbisaa

Sansakkaa Sakaalame - Abdiisaa Ejjataa

Siyaasa Oromoo - Mohaammad Alii

Sussuka Adoolessaa - Malkaamuu Taarikuu

Seenaa Oromoo - Obbo Darribii Damussee

Safuu Oromoo - Dr. Firaa’ol Taammiruu

Suuraa Abdii.......... Kumsa Burayu

Singiggoo - Abraaham Tasfaayee

Shira - Yaasoo Kabbabaa Hordofaa

Siif Galeeraa? - Mihratuu Shaanqoo

Seexaafi Seenaa......... Tafarii Nugusee

Seexaa Fi Seenaa - Guddataa Magarsaa

Seenaa Qabsoo Oromootaa - Mohaamed

Seenaafi Aadaa Oromoo- Fiixee Birrii

Seenaa Gootota Oromoo Fi Kaan - Shallamaa Kabbee

Siidaa Fi Asoogawwan Biroo - Moti Abelti Tufa

Siidaa Kaadhimamtootaa - Muhaammad Nuuraatiin

Simboo Jireenyaa = Moonaa Fiqaaduu Abarraa

Sookoo Jaalalaa...... Badhaasaa Gabbisaa

Seeramoo Seenaa Sodaannu? - Waadaa Bultii Caalii

Seenaa Qabsoo Oromoo Walloo Fi Oromoota Kaaba Itiyoophiyaa - Amanuu Taakkalaa Fi Feizaah Ahimeed

Siifan - Yaasoo Kabbabaa

Summii Nadhii Nyaate - Amarsan T Atoomsaa

Siyaasa Diingdee Itoophiyaa - Addisuu Bullaallaa

Seerluuga Afaan Oromoo - Dr. Abdusamad Mohaammad

Siyaasa Oromoo Tuulamaa - Geetaachoo Hayilee

Seenaa Dhugaaf Barreeffama Loogii - Taabor Waamii

Seenaa Oromoo Hanga Jaarraa 16ffaa - Alamaayyoo Hayilee, Tasammaa Ta'aa Fi...

Seenaa Shanan Gibee - Ustaaz Gali Ababor

Siyaasa Oromoo - Mohaammad Alii

Seenaa Abiishee Garbaa - Ginbaar Nagaraa Kumsaa

Seenaa Gootota Shanan Gibee - Nabaanii Shaafii Said

Seenicha Sukkanneessaa Barri Dhokse - Walde Yohaannis Warqinaa Fi Gammachuu Malkaa

Sabboonummaa - Shallamaa Kabbee

Sirna Gadaa Oromoo Arsii (Sikkoo Mandoo) - Seeyfuu Kadir

Seenaa Maarti Luuter Kiingi Xiqqicha - Baqqalaa Garbaa

Seera Afaan Oromoo - Dr. Xilaahuun Gamtaa

Saaqaa-Seer-Luuga Afaan Oromoo - Wasanee Baashaa

Sunsumaaf Geerarsa Oromoo -Xajjituu Taganee

Seenaa Qabsoo Oromootaa.... Mohammed Sayid

Seenaa Oromoo Hanga Jaarraa 20ffaa - Getaachoo Hayilee

Siimagan - Hinseenee Makuraa

Seenaa Oneesimos Nasiib - Luba Tasgaraa Hirphoo

Sossobbii - Siinan Huseen

Seenaa Rirmi Hin Nyaatu - Daani'eel Hambisaa

Safuu Kiyyeeffame -Muhaddiin Hasan Godaanaa

Shakkinee Gaafanne - Mohaammed Girboo

Siidaa Imimmaanii - Ibsaa Ahimadsiraaj

Suphee Suphaa Bade - Akimel Abdu

Si Argeen - Abdi GA Chali

Situ Jaare - Shamil N Mohammed

Seenaa Oromoo Fi Farda - Gammachuu Maaramee

Siiqqee Fi Siillee - Gamtaa Zawudee

Sansakkaa Nama Kaayyoo - Eebbaa Qananii

Seenaa Sirna Gadaa Oromoo Maccaa Hanga Jaarraa 16ffaa - ATO

Sirna Gadaa Oromoo Tuulamaa - ATO

Seenaa Qabsoo Uummata Oromoo Baalee Fi Ollaa Isaa - Huseen Indheessaa

Seenaa Hundeeffama Oromoo - Prof Tasammaa Taa'aa

Sindararuu - Abdii Alkaadir Sayid

Sammuu - Milkumaa Destaa

Sorsa - Dilgaasaa Dirribsaa

Siifileen - Boonaa Abarraa

●T

Tokkummaa - Dr. Taakkalaa Oljiraa

Tsigeeradaa - Isaayyaas Hordofaa

●U

Utubaa Dachee - Iyyaasuu Tarrafaa Fayyisaa

Ulfan Qaba - Abdiisaa Guuttataa

Uummataa -Tamasgeen Gammadaa

Utubaa Hin Utubamne - Mooneet Badhaasaa

Uummataaf Dimookiraasii- Dastaa Dinqaa

Ujummoo Diriirsuumoo Baaldii Baachuu - Fedhasaa Taaddasee

Ulfa Ulfaate - Yeroosaan Haadha Xiiqii

Ulfa Jilbaa - Guutaa Bahaaruu Yaadatee

●W

Waa'ee Keenya - Gazzee Tolasaa

Wulwullee - Ahimad Zinaab Abbaa Garoo

Wal Maleen Qofaadha - Ibsaa Lammii Galataa

Waa Waatu Dhibe - Ayyaantuu Gabbisaa

Waadaa - Dastaa Dassaaleny

Waaree Waarii - Gaaddisaa Shifarraa

Waatu Waatu Jira - Ayyaantuu Gabbisaa

Weedduu Seenaa - Ximqataa Kumarraa

Wadaroo Miixuu = Dagaagaa Zarihuun

Waldhaansoo - Lachiisaa Miidhaksaa ( Elema B Gudata )

Waldhaansoo Gotoota Fi Warraaqa

Waa Dinqii - Alamayyoo Qubee

Weedduu Jaalalaa - Asteer Gannoo Salbaan

Waadaa Gadameessaa - Caalaa Warquu Fi Akliluu Ayyalaa

Waliif Moo Walirratti - Fufaa Shittaayee

●X

Xalayaa Jaalalaa....... Wasanee Bashaa

Xiyya Xiyyoon Cabe - Magartuu Yaaddessaa

Xurree Xureeffame - Humnasaa Aabbee

Xiifoo - Dhugabaas Badiruu

Xurree Qaroominaa - Galataa Tsaggaa

●Y

Yoomi Laata?.... Isaayyaas Hordofaa

Yoomilan - Amaanu'eel Balaay

Yeroon Siif Haa Dhiistu - Isaayyaas Hordofaa

Yaadanii....... Bantii Oliiqaa

Yaadii Duroomi - Tamasgeen Axinaafuu

Yaboo Yeellofte - Gosaa Turaa

Yaada Guddaa - Shumi Abera Gemechu

Yaadannoo Guyyuu Haannaa - Tamsageen Axnaafuu

Yoo Nagaroon Jiraate - Afrikaa Kabbadaa

●የ

የኦሮሞ ህዝብ ታሪክ = Dr Nagaasoo Gidaadaa

●A (English)

A Shot Guide To The Oromoo Language = Qajeelaa Mardaasaa

Kan barreesse anuma!

Kan tartiiba Qubeetiin sirreesse Kaanenus kaasaati!

Kan hafe itti dabalaa!

Madda: Fuul-barruu Alex Taye